சும்மா: ஃபோர் பாயிண்ட்ஸ் பை ஷெரடன் படோவா. FOUR POINTS BY SHERATON PADOVA.

ஜெர்மனியிலிருந்து புறப்பட்டு ப்ரஸில்ஸ் வழியாக ( பெல்ஜியம் ) முதலில் ஃப்ரான்ஸ், அதன் பின் ஸ்விஸ், தற்போது இத்தாலி வந்தடைந்தோம். இங்கே தங்கிய ஹோட்டலின் பெயர் ஃபோர் பாயிண்ட்ஸ் பை ஷெரடன் படோவா.

இதன் முகப்பு மிக அழகாக வி ஷேப்பில் இருந்தது. இது பக்கவாட்டுத் தோற்றம்.

முதல் நாள் இரவு சென்றதும் ஸ்டார் டூர்ஸில் சொல்லியிருந்தபடி நார்த் இந்தியன் டின்னர்.

இங்கே மிக அருமையான சிக்கன் க்ரேவி செய்திருந்தார்கள். பாசுமதி அரிசி சாதம் அப்பளம், காலிதால் மாக்னி, தால், பாலக் பனீர், சாலட்ஸ், ஊறுகாய், தஹி, ரொட்டி அனைத்தும் ப்ரம்மாதம். அதிலும் சிக்கன் க்ரேவி சான்ஸே இல்லை. நிச்சயம் இந்திய செஃப்தான் செய்திருக்கணும். அட்டகாசம்.

படுத்து உறங்கி எழுந்து காலைக்கடன் கழித்துத் தயாராகிக் கீழே சென்று மறுநாள் காலை உணவு உண்டோம்.

க்ரைசான், ரஸ்க், பிஸ்கட்ஸ், ஜூஸஸ், அவல் உப்புமா, ஸ்க்ரம்பில்ட் எக், கேக், டிண்ட் ( டப்பாக்களில் அடைக்கப்பட்ட பதப்படுத்தப்பட்ட ) மிக்ஸட் ஃப்ரூட்ஸ், மசாலா சாய் ( பாலை எடுத்து சாய் பாக்கெட் டிப் செய்து , சுகர் பவுடர் போட்டுக் குடிக்க வேண்டியதுதான். )

இங்கேயும் மூன்று பெட்கள் அடுத்தடுத்து ஆனால் ஒன்று சிறியது. ரூம் சைஸ் சின்னதுதான். பெட் பின்னணியில் போஸ்டர்ஸ். இண்டர்காம், டபுள் விளக்குகள், எதிரே டிவி, டேபிள் ஃப்ரிட்ஜும் உண்டு.

இங்கே ஜக்கூஸி டைப் பாத்டப். டவல்ஸ், ஹேண்ட் ஹோஸ், லிக்விக் சோப் உண்டு.

நல்ல வேளை. இத்தாலியர்கள் ஹோட்டலில் இரண்டு க்ளோசட்டுகள் டாய்லெட்டில்.

ஒன்று போக இன்னொன்று கழுவிக்கொள்ள. இந்த டிஷ்யூ இம்சை இங்கே இல்லை. தேவைப்பட்டால் கால் , கையை ஈரம் போகத் துடைத்துக் கொள்ளலாம்.

இங்கே ஒரு கட்டாய ரூல் ஒன்று ரூம் ரூல்ஸில் எழுதி இருந்தது.

ஃப்ரிஜ்ஜில் வைத்திருக்கும் நீர், ஜூஸ், கோக், பியர் எதை எடுத்தாலும் தனியாகக் காசு செலுத்த வேண்டும். பால் சாஷே, சீனி, சாய் பாக்கெட் எடுத்துக் கொள்ளலாம்.

அதே போல் பாத்ருமில் ஈரம் பட்டாலோ, ரூமின் கார்ப்பெட் ஈரமானாலோ வேறு எந்தப் பொருளும் உடைந்தாலோ ஹோட்டல்காரர்கள் முழு ரிப்பேர் தொகையையும் வசூலிப்பார்கள். அது ஆயிரக்கணக்கான யூரோக்களாக இருக்கலாம். சோ கவனம் அவசியம்.

காலில் ஈரம் இருந்தாலும் டவலில் துடைத்துவிட்டு வாருங்கள்.

ரூமின் நடைக்கு முன் ஃப்ரிட்ஜ்,

அதன் பக்கமாக ஹேங்கர்ஸ், செப்பல் போட சேர், அயர்ன் டேபிள், சேஃப், எக்ஸ்ட்ரா பெட், ரஜாய் அனைத்தும் உண்டு.

ரூம் டெம்பரேச்சரை அட்ஜஸ்ட் செய்து வைத்துக் கொள்ளலாம்.