அகநாழிகை ....ஆரியம் திராவிடம் அற்றது அன்பு

நானும் என் குடும்பத்தினரும் தொடர்ந்து படித்து
வருவது ஆனந்த விகடனும், குமுதமும். அடிக்கடி
மாற்றலாகும் தருணங்களால் ஆசையாய்
வாங்கப்பட்ட புத்தகங்கள் அதிசோக சுமையாகும்
போது [பள்ளி கல்லூரி புத்தகங்கள் தனிசுமை
வேறு] புதிதாய் புத்தகம் வாங்கும் பழக்கம்
சிறிது குறைந்து போனது உண்மை.

எங்கிருந்தாலும் படிக்கும் விகடன் குமுதங்களில்
தன்னுடைய காரசாரமான எழுத்துக்களால்
என்னையும் என் மகனையும் கவர்ந்தவர்
திரு ஞாநி அவர்கள்.. தான் கூறும்கருத்துக்களில்
வலிமையாக நிற்கும் தன்மை, உறுதி படக்கூறுவது,
எளியோருக்கு இரங்குவது, அநேக தருணங்களில்
சரியானவற்றையே கூறுவது என என் ஆரம்ப கால
பள்ளி ஆசிரியர்களின் தொகுப்பாக இருக்கிறார்..


தன் "ஓ பக்கங்களில்" தன் மனைவியையே அவர்
தோழி எனக் குறிப்பிட்டது ,தன் வீடு எந்த மதச்
சார்புமில்லாமல் வந்து செல்லும் அனைத்து
நண்பர்களுக்கும் உரியதாய் இருப்பது, மேலும்
தன் பால்ய காலத் தோழர் ஒருவரின் மகளுக்கே
தன் வீட்டை விற்றது என எனக்கு அவரிடம்
கவர்ந்த விஷயங்கள் ஏராளம்.. என்று வந்தாலும்
கண்டு செல்ல அனுமதி கேட்டு பின் தன்னுடைய
வீட்டை விற்றதை படித்தபோது என்னுடைய
வீடு பற்றிய உணர்வுகளும் அவ்வாறே
இருந்ததை உணர்ந்திருக்கிறேன் ...

அகநாழிகை புத்தக வெளியீட்டு விழாவின் போதும்
தான் நினைப்பவற்றை சரளமாகபகிர்ந்து கொண்டார்.
எல்லா ஆண் பதிவர்களும் தங்கள் மனைவியரை
யும் அழைத்து பங்கேற்கச் செய்யவேண்டும்
எனவும் அங்கு 8 பெண் பதிவர்கள் வந்ததையும்
குறிப்பிட்டு தன்னுடைய வீட்டில் மாதம் ஒரு
முறை இரண்டாவது ஞாயிற்றுக்கிழமை வலைப்
பதிவர் கூட்டம் நடப்பதாகக் குறிப்பிட்டார்..

குழந்தைகளுக்கு புத்தகங்கள் படிக்கும் பழக்கத்தை
சிறுவயதிலேயே பெற்றோர் ஏற்படுத்த
வேண்டியதின் அவசியத்தை வலியுறுத்தினார்..
அரசுபள்ளிகளில் படிக்கும் வசதி வாய்ப்பற்ற
வர்களின் மொழிப்புலமை மேல்தட்டு மக்களின்
பிறமொழிப்பாடம் எடுத்தவர்களை விட நன்றாக
இருப்பதாக குறிப்பிட்டார்.. ஊர் பெயரையும்
இடங்கள் பெயரையும் சுருக்கிக் கூப்பிடும்
வழக்கத்தை தன் பாணியில் கிண்டலாகக்
கண்டித்தார் ..

வலைப்பதிவர்களின் படைப்பு பற்றி குறிப்பிடும்
போது அதன் சுதந்திரத்தன்மை பற்றியும் அது
சினிமா உலகங்களில் ஏற்படுத்தும் பாதிப்பு
பற்றியும் குறிப்பிட்டார்..ஒரு வருத்தம் மட்டும்
என்னவென்றால் "ஓ பக்கங்களுக்கு" மறுப்பு
எழுதும் எண்ணத்துடன் இருந்ததாகக் குறிப்பிட்ட
சாரு இடப்பெயர்கள் பற்றி சொல்லும் போதும்
தங்கள் மறுப்பைக்காட்ட வேண்டியே சுருக்கிக்
கூப்பிடுவதாகக் கூறியதற்கு மறுமொழியாக
சாருவின் பெயரையும் சுருக்கி சொன்னது
வருத்தம் தருவதாக இருந்தது..

தாய் வீட்டிற்கு வந்து இரு சகோதரர்களின்
மனஸ்தாபங்களுக்குள் சிக்கிக் கொண்டதுபோல்
இருந்தது ..இதற்குப் பின் நடக்கும் பனிப்போரே
நான் இந்த இடுகை எழுதக்காரணம்.. ஒரு
பெண் வலைப் பதிவராக என் எண்ணங்களை
யும் பதிய விரும்பினேன்.

தனக்கு பூச்செண்டு வழங்கப்பட்ட போது அதற்குப்
பதிலாக புத்தகங்கள் தரும்படி ஞாநி கூறினார்..
சாரு தனக்கு பூக்களைப் பிடிக்கும் என பெற்றுக்
கொண்டார் ...."ஞாநிக்கு பிடிப்பதில்லை" ..எனக்
கூறினார். "அவரே வாராவாரம் குமுதத்தில்
பூச்செண்டு தருகிறாரே" என நான் குறிப்பிட்டேன்.

கருத்து வேறுபாடு இருப்பதுதான். ஆனால் மிகச்
சிறந்த சமூக அரசியல் நோக்கரான, எளியாரின்
பக்கமிருக்க விரும்பும், ஆணித்தரமான கருத்துக்
களுக்குச் சொந்தக்காரரான ஞாநியை ஆரிய
திராவிட மாயைக்குள் பூட்டிப் பார்ப்பது அழகல்ல...

ஆரியம் திராவிடம் அற்றதே அன்பு....

பி.கு.
நாளையும் இன்னும் சில எண்ணங்களுடன்
வருகிறேன்