சும்மா: காரைக்குடி வீடுகள்.- தேர்முட்டியார் வீடு. CHETTINAD HERITAGE HOUSES

ஞாயிறு, 20 செப்டம்பர், 2015

காரைக்குடி வீடுகள்.- தேர்முட்டியார் வீடு. CHETTINAD HERITAGE HOUSES - பாகம் -9

முகப்பில் மட்டுமல்ல மாடியிலும் மிக அழகான ஆர்ச்சுகளோடு கட்டப்பட்ட வீடு இது. வாயிலுக்கு இரு பக்கமும் இரு அறைகள் நீண்டு அமைக்கப்பட்டிருப்பது அழகு. வீட்டிற்கு வெளிச்சுவரிலும் தெரிகின்றாற்போல தூண்கள் அமைக்கப்பட்டிருப்பது வித்யாசம். அதன் மேல் உள்ள பாரபட் வால் போன்ற அமைப்பு நுணுக்கத்தோடு மழை நீர் விழும் வசதிகளோடு கட்டப்பட்டிருக்கு. காம்பவுண்டு சுவரிலும் வளையமாக டிசைன் செய்திருக்கின்றார்கள்.

இவை எல்லாம் காரைக்குடியில் உள்ள தற்காலத்திய வீடுகள். பழம்பெரும் வீடுகள் இடிக்கப்பட்டு ப்ளாட் போடப்பட்டு வீடுகளாகவோ அல்லது இதுபோல் மாடர்ன் பங்களாக்களாகவோ அமைக்கப்படுகின்றன.

அதே போல் உள்ள இன்னொரு வீடு. இதில் ஜன்னல் உப்பரிகை எஃபக்டில் இருக்கு.

இது அந்தக்காலத்து வீடுதான். இரு பக்கமும் பாருங்கள் மாட மாளிகை போல 164. உப்பரிகைகளுடன் இருக்கு அதன் கீழேயே குட்டி உப்பரிகைகளாக இரண்டும் அமைக்கப்பட்டிருக்கு. இவை இரண்டையும் இணைக்கும் சுவரில் மாலை போன்ற டிசைனும் நடுவில் வீட்டைக் காக்கும் தெய்வமும் உறைவது அழகு. கீழே தெரிவது கார் ஷெட். அந்தக் காலங்களில் குதிரை வண்டிகள் , வில் வண்டிகள் நிறுத்துமிடமாக இருந்திருக்கலாம். 165. குதிரை லாயம் .

166.கூட கோபுரம் போன்ற உப்பரிகையின் க்ளோசப் ஷாட். :) அதன் வேலைப்பாடுகளையும் கீழே 167. திருஷ்டி பொம்மையையும் பாருங்க. :) உச்சியில் ஒரு தாமரையும் சுற்றிலும் ஒவ்வொரு பெருந்தூணிலும் இரு வெளித்தூண்களும் அதன் மேல் 168. கலசமும் ( சாமை வரகு கொண்ட இடிதாங்கிக் கலசமும் ) அமைக்கப்பட்டிருக்கு.

இது இன்னொரு வீட்டில் வெளிப்புறப்பகுதி. பாருங்கள் கலசங்களுக்குக் குறைவில்லை . மூன்று மாடியோடு நூற்றைம்பது ஆண்டுகளுக்கு முன் கட்டப்பட்டுள்ள இந்த வீடுகளில் இடி தாக்காமல் இருக்க இந்தக் கலசங்களே காரணம். காரைக்குடி வீடுகளில் கதவுகள் மட்டுமல்ல ஜன்னல்களும் பிரம்மாண்டமாய் இருக்கும்.

கொஞ்சம் வெளிச்சமாக ஒரு ஷாட். இதிலும் தூண்கள் கலசங்கள் அழகூட்டுகின்றன.

அதே வீட்டின் பின்புறத் தோற்றம். இவ்வகை வீடுகளில் 169. மூன்று மாடி என்பது அதிசயம்தான். அதிலும் ரோட்டிலிருந்து பத்து அடி உயரத்தில் வீடுகள் அமைக்கப்பட்டிருக்கும். தரைத் தளம் வரை 170. காரைக்கல்லும். ( அம்மா செம்புறாங்கல் என்று சொல்வார்கள் ) அதன் மேல் தான் உட்புறம் தளம் ஆரம்பிக்கும்.

171. இது ஒரு வீட்டின் முகப்பும் காவல் தெய்வங்களும் அடேயப்பா என்னா வீரம். உள்ளேயும் பணிப்பெண்கள் கவரி வீசி தேவதைகள் பூத்தூவி காவல் & ஏவல் செய்ய நான்முகன் அமர்ந்திருக்க திருமால், சொக்கநாதர் மீனாக்ஷி இருக்கும் மீனாக்ஷி திருக்கல்யாணம் என நினைக்கிறேன்.

172. இந்த வீட்டுக்குப் பெயர் தேர்முட்டியார் வீடு. இது மகர்நோன்புப் பொட்டலில் உள்ளது. இதில் தேர் முட்டி போல ( தேர் கோபுரம் ) அமைக்கப்பட்டிருப்பதால் இப்பெயர். இருபுறமும் இது அமைக்கப்பட்டிருக்கும்.( ஒருபுறம்தான் எடுத்துள்ளேன். ).

7 கருத்துகள்:

கரந்தை ஜெயக்குமார்20 செப்டம்பர், 2015 அன்று 11:15 AM
வீடுகள் அல்ல அரண்மனைகள்
பார்த்து வியந்திருக்கிறேன்
பதிலளிநீக்கு
பதில்கள்
”ஆரண்ய நிவாஸ்”ஆர்.ராமமூர்த்தி20 செப்டம்பர், 2015 அன்று 2:18 PM
நான் கானாடுகாத்தானில் பார்த்திருக்கிறேன்...
பதிலளிநீக்கு
பதில்கள்
”தளிர் சுரேஷ்”20 செப்டம்பர், 2015 அன்று 3:56 PM
பிரம்மாண்டமான கலைநயம் மிகுந்த வீடுகள்! நேரில் பார்த்தது இல்லை! அருமை!
பதிலளிநீக்கு
பதில்கள்
Yarlpavanan20 செப்டம்பர், 2015 அன்று 7:14 PM
சிறந்த பகிர்வு
தொடருங்கள்

முன்னேறும் உலகில் பின்னேறும் தமிழர் பண்பாடு!
http://www.ypvnpubs.com/2015/09/blog-post_18.html
பதிலளிநீக்கு
பதில்கள்
வெங்கட் நாகராஜ்21 செப்டம்பர், 2015 அன்று 7:34 AM
அழகிய வீடுகள். புகைப்படங்களில் பார்த்து ரசித்தாலும், நேரிலும் சென்று பார்க்க ஆவல் உண்டு.....
பதிலளிநீக்கு
பதில்கள்
Thenammai Lakshmanan22 செப்டம்பர், 2015 அன்று 9:18 AM
நன்றி ஜெயக்குமார் சகோ

நன்றி ஆர் ஆர் ஆர்

நன்றி சுரேஷ் சகோ

நன்றி யாழ்பாவண்ணன் சகோ

நன்றி வெங்கட் சகோ. சீக்கிரம் எங்கள் இல்லத்துக்கு அழைக்கிறோம். ஆதி ரோஷிணியுடன் வாருங்கள். :)
பதிலளிநீக்கு
பதில்கள்
Thenammai Lakshmanan22 செப்டம்பர், 2015 அன்று 9:18 AM
வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!
பதிலளிநீக்கு
பதில்கள்

கருத்துரையைச் சேர்

சும்மா ( பத்தி ) உங்க கருத்தையும் பதிவு செய்ங்க :)