சும்மா: இலையாய் மிதந்தபடி..

சனி, 11 பிப்ரவரி, 2012

இலையாய் மிதந்தபடி..

மோதிரக்கையால்
மெல்லமாக செல்லக்
குட்டுப்பட்டாலும்
அனுபவிப்பவரின்
எண்ணங்களில்
ஒளிந்திருக்கிறது
வலிக்கான இலக்கணம்..
தொட்டுப்பார்க்கும்தோறும்
புடைப்பற்ற இன்பமாய்..

ஒவ்வொரு
ஒத்திப் போடுதலிலும்
ஒளிந்திருக்கிறது
சந்தோஷத்தை
நீட்டிப்பதற்கான மந்திரம்..

எண்ண ஊஞ்சலில்
முன்னும் பின்னும்
ஆடுவதோடு
முடிந்துவிடுகிறது
என் ஆசைப் பயணம்..

எதிர்பார்ப்புகளிலும்
அதற்கான முஸ்தீபுகளிலும்
ஏறி இறங்குவதான
டோரா டோரா கனவுகள்
தினம் தினம்
என்னைத் தின்றபடி
உயிர்க்கின்றன..

தின்னப்படும் நானே
தினம் கனவை
தின்னுபவளாகவும்
அசைபோடுபவளாகவும்
அனுபவித்தவளாகவும்
ஆராதிப்பவளாகவும்
ஆனந்த் அலைகளில்
இலையாய் மிதந்தபடி..

டிஸ்கி:- இந்தக் கவிதை ஏப்ரல் 17.2011 திண்ணையில் வெளிவந்துள்ளது.

6 கருத்துகள்:

சாந்தி மாரியப்பன்11 பிப்ரவரி, 2012 அன்று 11:35 AM
//எதிர்பார்ப்புகளிலும்
அதற்கான முஸ்தீபுகளிலும்
ஏறி இறங்குவதான
டோரா டோரா கனவுகள்
தினம் தினம்
என்னைத் தின்றபடி
உயிர்க்கின்றன..//

கனவுகள் நிறைவேறும்வரை இந்த சுகமான அவஸ்தைதானோ :-)
பதிலளிநீக்கு
பதில்கள்
இராஜராஜேஸ்வரி11 பிப்ரவரி, 2012 அன்று 7:13 PM
எதிர்பார்ப்புகளிலும்
அதற்கான முஸ்தீபுகளிலும்
ஏறி இறங்குவதான
டோரா டோரா கனவுகள்
தினம் தினம்
என்னைத் தின்றபடி
உயிர்க்கின்றன..

இலையாய் மிதந்தபடி மனதி லேசாக்கும் கவிதை வரிகளுக்குப் பாராட்டுக்கள்...
பதிலளிநீக்கு
பதில்கள்
பால கணேஷ்11 பிப்ரவரி, 2012 அன்று 8:05 PM
தின்னப்படும் நானே | தினம் கனவை
தின்னுபவளாகவும் | அசைபோடுபவளாகவும் | அனுபவித்தவளாகவும் |ஆராதிப்பவளாகவும் | ஆனந்த் அலைகளில் | இலையாய் மிதந்தபடி..

ரசனையான வரிகள்! எல்லோருக்குமான அனுபவம் இது. எல்லோராலும் இப்படிச் சொல்லி விடவும் இயலாதது except only Thenu akka.
பதிலளிநீக்கு
பதில்கள்
Vijiskitchencreations11 பிப்ரவரி, 2012 அன்று 8:39 PM
தேனு மிக நன்றாக இருக்கு
பதிலளிநீக்கு
பதில்கள்
samudrapandian12 பிப்ரவரி, 2012 அன்று 12:27 AM
migavum inimai rasikumpadi..
பதிலளிநீக்கு
பதில்கள்
Thenammai Lakshmanan4 மார்ச், 2012 அன்று 8:48 PM
நன்றி சாந்தி

நன்றி ராஜி

நன்றி கணேஷ்

நன்றி விஜி

நன்றி சமுத்ரபாண்டியன்
பதிலளிநீக்கு
பதில்கள்

கருத்துரையைச் சேர்

சும்மா ( பத்தி ) உங்க கருத்தையும் பதிவு செய்ங்க :)