சும்மா: நடுவீட்டுக் கோலமும் பொங்கல் கோலமும் போடுவது எப்படி ?!

ஒவ்வொரு விசேஷத்துக்கும் 716* நடுவீட்டுக் கோலம் முக்கியமான ஒண்ணு. பொங்கல், பிள்ளையார் நோம்பு, தீபாவளி, குடி புகுதல், சுவீகாரம், சமைதல் , கல்யாணம் சொல்ல வந்தால் வரவேற்க, திருமணம், தீர்த்தம் குடித்தல், கணபதி ஹோமம், சாந்தி, சதாபிஷேகம், கனகாபிஷேகம் என்று இன்ன பிற நல்லதுக்கெல்லாம் கோலம் போடுவது உண்டு.

இளைய தலைமுறைப் பெண்களுக்கு நடுவீட்டுக் கோலமும் 717* பொங்கல் கோலமும் போடுவது பற்றிப் படம் கொடுத்து இடம் ஒதுக்கிப் போடவும் சொல்லிக் கொடுத்தாங்க ஒரு ஈவண்ட்ல. அப்ப எடுத்த சில அழகான புகைப்படங்களைப் பகிர்கிறேன். அவங்க ஆர்வத்தோடயும் அழகாவும் போட்டு பட்டயக் கிளப்பிட்டாங்க. :)

நடுவீட்டுக் கோலம் மாடல் பேப்பர். இதுல 718* நாலு பக்கமும் கூம்பா இருப்பது தேர்க் கோபுரம், 719* நாலு கார்னரிலும் இருப்பது கால், 720* அதன் பக்கம் இருப்பது சங்கு.

வீட்டில் வைக்கப்படும் பொங்கல் பானைகளுக்கு ஏற்ப ( புள்ளிகள் ) அகலவாக்கில் 721* கோபுரங்கள் அதிகப்படும். பொங்கலுக்கான அடுப்புக் கோலத்தை இன்னொரு இடுகையில் பகிர்கிறேன். 722* முறித்தவலை, 723* விளக்கிடுற சட்டி, ( 724* அடுப்பு, மனை, கலவடை, பொங்கலிடும் இடம், படைக்கும் இடம் , சாமி வீடு , படி ) எல்லாவற்றுக்கும் கோலமிடுவதுண்டு.

ஒதுக்கப்பட்ட இடத்தில் கெட் ரெடி ஸ்டார்ட். முதலில் சதுரம்.

இவங்க எல்லாருமே ஓரளவு போட கத்துக்கிட்டாங்க. ஆங் சொல்ல மறந்துட்டேனே. பச்சரிசி மாவை அரைத்து கரைத்து வைத்திருப்பாங்க. அதுல 725 * சிறு துண்டு காட்டன் துணியை ( வேட்டித் துணியும் உபயோகிப்பாங்க ) நனைத்து விரல்களில் பிடித்து மோதிர விரல் வழி வழியவிட்டுக் கோலமாக இழுக்கணும். கத்துக்கிட்டா ஈஸிதான். முதலில் இரண்டு மூணு கோடா வரும். ஆனா இவங்க ஓரளவு நல்லாவே போட்டாங்க.

பர்ஃபெக்ட் இல்ல :) <3 br="">

726* இவங்க கோபுரத்துக்கும் காலுக்கும் தனியா மஞ்சள் கலர் உபயோகிச்சுப் போட்டிருகாங்க . எக்ஸலண்ட்.

ஒருத்தரை ஒருத்தர் பாத்துக்கிடுறாங்க. ஃபர்ஸ்ட் டைம் போட்டாலும் பர்ஃபெக்ட்.

குடோஸ் கண்ணுக்குட்டி. என் தோழி நல்லழகு வள்ளியப்பன் அவங்க மக ரொம்ப நீட்டா ஸ்வீட்டா போட்டுட்டு இருக்காங்க.

பெரியவங்க மேற்பார்வை.

சிலருக்கு புள்ளி எப்பிடி வைக்கிறதுன்னு கத்துக் கொடுக்குறாங்க. ஏன்னா எண்டையர் கோலத்துக்கும் புள்ளிதான் அழகு சேர்க்கும். அத லேசா தொட்டு அங்கயும் இங்கேயும் வைக்காம 727* முழுமையான இரட்டைப் புள்ளியா வைச்சாத்தான் கோலம் பொலிவுறும்.

கோலத்தை எப்படிப் போட்டாலும் புள்ளியால அழகு படுத்திடலாம். நகரத்தார்ல திருமணமான தம்பதிகளைப் 728* புள்ளிகள் என்பார்கள். 729* புள்ளி பெருகோணும் என்று சொல்வதைப் போல புள்ளிகள் அழுத்தம் திருத்தமாவும் இருக்கணும். கணவன் மனைவி இருந்தா ஒரு புள்ளி. மனைவி மட்டும் இருந்தா 730* அரைப்புள்ளி. இதக் கணக்கு வைச்சு படைப்பு, பூசை வீடுகளில் ( பணியாரம், பாற்சோறு ) பிரசாதம் பிரிச்சு அனுப்பி வைப்பாங்க.

முத்து வள்ளியம்மையும் விசாலாட்சியும் போட்ட கோலங்கள் தெளிவு.

முத்துக் கோதை போட்ட கோலம் அழகு. ஏன்னா என் தம்பி மகளாச்சே. மருமகள். :)

731* என்ன அழகான தமிழ்ப் பெயர் பாருங்கள். சொல்லச் சொல்ல இனிக்குதுல்ல :)

இந்த இளையர்களுக்குப் பொங்கலிடக் கற்றுக் கொடுத்த போது போட்ட சாம்பிள் கோலம். 732* மனை& அடுப்புக்கும் கோலம் போட்டு இருக்காங்க. படைக்க இலையும் போட்டுப் புள்ளி வைத்திருக்கிறது. 733* சங்கும் ( சங்கு ஊதி பொங்கல் பானையைப் பாலோடு அடுப்பில் வைத்து பால் பொங்கியதும் சங்கு ஊதுவார்கள் ) உபயோகிப்பதால் சங்கையும் கோலம் போட்டிருக்கிறார்கள் !. பொங்கல் தவலையில் கோலம்.

பச்சரிசியை ஊறவைத்து அரைத்து சிறு குன்றிமணிகளாக உருட்டி வெய்யிலில் காயப்போட்டு வைத்திருப்பதற்குப் பெயர் 734* கோலக்கூட்டு. கோலக்கூட்டு உபயோகித்தும் கோலம் போடுவார்கள். இதைத் தண்ணீரில் ஊறவைத்துக் கரைக்க வேண்டியதுதான்.

சும்மா

சனி, 4 மார்ச், 2017

நடுவீட்டுக் கோலமும் பொங்கல் கோலமும் போடுவது எப்படி ?!

4 கருத்துகள்: