மனித நேயர்

தொழுகைத் தொப்பி
புனிதநூல் பிரதி
பேரரசன் உடுப்பிற்கும்
உணவிற்கும்
நெய்தபடி இருந்தார்.

மலை எலிகளை
விரிந்த நாகங்களை
விக்கிரகங்களை உடைத்து
பள்ளிகளை
எழுப்பினார்.

டாரா ஷிக்கோ
புறச்சமயியானான்,
அவனோடு ஷூஜா, முராட்,
சர்மட்டை சிதைத்தார்
வாழும் புனிதர்.

மதமெனும்
மதுவில் மூழ்கியவர்
வீராபாயையும்
இழந்தார் தந்தையின்
அன்பையும்.


தீன் இலாஹியோடு
கிளைத்திருந்தார்
டாரா ஷிக்கோவின்
வழிகாட்டியாய்
மனித நேயர்.

மனித நேயர் வழிவந்தும்
மத நேயராய்
இறப்பிற்குப் பின்னும்
தன் கொள்கைப் பிடியில்
வாழும் புனிதர். 


 -- நன்றி குஷ்வந்த்சிங்கின் ஔரங்கஷீப் ஆலம்கீர் ஹிந்துஸ்தான் பேரரசர்.

டிஸ்கி:- இந்தக் கவிதை 10, அக்டோபர், 2011 திண்ணையில் வெளிவந்தது.