டிஸ்கவரி புக் பேலஸும்.. நானும்..

அமெரிக்காவை கண்டு பிடித்தவர் கொலம்பஸ் என்றால் என்னைக் கண்டு பிடித்தது டிஸ்கவரி புக் பேலஸ் எனலாம்.. என் முதல் கட்டுரை புத்தக வெளியீடு பற்றி வந்தது.. மிக நீண்ட நாட்களுக்குப் பின் அதிகமாக எழுதப் பழகினேன் அதிலிருந்து எனலாம்.. இன்று சில கட்டுரைகள் எழுத அதுவே முதல் முயற்சி..

ஒரு ஜர்னலிஸ்டாக ஆகவேண்டும் என்ற ஆவல் இருந்தது.. விகடன் மாணவப் பத்ரிக்கையாளர் திட்டம் முதல்முறை அறிமுகப்படுத்தப்பட்டபோது கல்லூரியில் மூன்றாமாண்டு வேதியல் படித்துக் கொண்டிருந்தேன்.. இரண்டாமாண்டு மாணவியர் மட்டுமே விண்ணப்பிக்கலாம்..என்றிருந்தது.. என்ன செய்வது.. ஓரளவு லேடீஸ் ஸ்பெஷல் மூலம் அந்த எண்ணம் நிறைவேறியது எனலாம்.. இன்னும் உழைத்தால்., இன்னும் முயன்றால் இன்னும் அதிக உயரங்களைத் தொடமுடியும் என்ற நம்பிக்கையை விளைத்தது.., இந்த மாதிரி கட்டுரை ., கவிதை., கதை எழுதும் முயற்சிகளே..


எந்த வயதானாலும் மூச்சைப் போல உங்கள் ஆசைகளையும் சுவாசித்துக் கொண்டே., புத்துணர்வு கொடுத்துக் கொண்டே இருங்கள்.. ..

பந்தயத்தில் ஓடுகிறோம் என்பதே பெருமைக்குரியதாய் இருக்கும் .. உங்கள் கனவுகளைச் சூலுற்று வையுங்கள்.. அது பிரசவிக்கும் தருணம்.., வலியிருந்தாலும் இன்பமும் இருக்கும்.. கஷ்டப்படாமல் சாதனைகளே கிடையாது.. நிச்சயம் ஒரு நாள் ஜெயிப்போம்..

முதல் முறையாக பத்ரிக்கையாளர்களையும்., ப்ளாகர்களையும் சந்தித்த கூட்டம் அது.. ஞாநி., சாரு., அஜயன்., பாஸ்கர் சக்தி., தேவன்., வண்ணத்துப் பூச்சியார்., பாரா(வின் மகள் மஹா) ., லாவண்யா., நர்சிம்., வினாயக முருகன்..
இவர்களை சந்திக்க இயன்றது.. ஒரு வருடம் ஆகிவிட்டதா .. வியப்பாய் இருக்கிறது..

நாளை அமுதசுரபி ஆசிரியர் தி்ருப்பூர் கிருஷ்ணன்., இயக்குனர் லிங்குசாமி., கவிஞர் முத்துக் குமார்., பத்ரிக்கையாளர் ஞாநி., பேராசிரியர் இராமகுருநாதன் மற்றும் யுகமாயினி சித்தன் கலந்துகொள்ளும் முதல் புத்தக வெளியீடும் ., முதலாம் ஆண்டு நிறைவும் நடக்க இருக்கிறது..

போன வாரம் சென்றிருந்தபோது ஏகப்பட்ட பொருட்செலவில் குளிர்சாதன வசதியோடு புதுப்பித்தல் நடந்து கொண்டிருந்தது..

டிஸ்கவரியின் புத்தகம்., பதிப்பக சேவைக்கும்., இன்னும் பல்லாண்டுகள் சேவை செய்யவும் மனமார்ந்த வாழ்த்துக்கள்..

டிஸ்கி..1..:- இது சென்ற வருடம் எழுதிய அகநாழிகை புத்தக வெளியீடு... ஒரு பார்வை கட்டுரை..

டிஸ்கி .. 2..:- இந்த http://www.globalgiving.org/projects/hygeine-training-for-40-untouchable-women-in-india/?rf=email_pe_thankyou_7019 செய்தியை பாருங்கள்..

டிஸ்கி ..3..:- கருவேல மரங்களை வெட்டுங்கள் என்று அதன் தீமை சம்பந்தமாக எனக்கு மெயில்கள் வந்தவண்ணம் இருகின்றன.. உங்களுக்கும் வந்து இருக்கலாம்.. இதை அனைவருக்கும் தெரியப்படுத்துங்கள்..