திருமண (பண) அழைப்பு ”இதழ்..”

திருமண அழைப்பிதழ்கள் இரண்டு வந்தது..

இரண்டும் மிக அழகு.. இன்று ரஜனிகாந்தின் மகள் திருமணம் நடைபெறுவதாக முகப்புத்தகத்தில் ஏகப்பட்ட டாக்ஸ் ( TAGS ) ..

மூன்று மணமக்களுக்கும் வாழ்த்துக்கள். வாழ்க வளமுடன்.. நலமுடன்...

என் அன்புத்தங்கை புதுகைத்தென்றல் ஹைதையில் புதுமனை குடி புகுந்து இருப்பார்.. அவருக்கும் அவர் குடும்பத்தார்க்கும் மனம் நிறைந்த வாழ்த்துக்கள்.. வாழ்க வளமுடன்.. நலமுடன்..

லோட்டஸ் டெம்பிள் மாதிரி மெரூன்கலரில் ஒரு இதழ் இதழான அழைப்பு .. என்ன கற்பனா சக்தி.. என் திருமணப் போதிலெல்லாம் ( நான் என் ஃப்ரெண்ட்ஸ்க்கெல்லாம் 100 அழைப்புதான் அனுப்பி இருந்தேன் ). மிக எளிமையாக ஒரே செவ்வக அமைப்பில் ரோஸ்வண்ணத்தில் இருக்கும். பெரியவர்கள் அனுப்பும் அழைப்பிதழ் மஞ்சள் ரோஸ் கலரில் பச்சை எழுத்துக்களோடு அல்லது சந்தனக்கலர் திக் கார்டில் தங்க எழுத்துக்களோடு.. அவ்வளவுதான்.. இப்போ கற்பனைக்கும் பட்ஜெட்டுக்கும் அளவே இல்லை..

அடுத்த அழைப்பிதழ்தான் என்னை ரொம்ப அசர வைத்தது.. வட இந்தியத்திருமணங்களில் ரூபாய் நோட்டு மாலை பார்த்து இருக்கிறேன்....

இதில் பர்ஸில் 1000 ரூபாய் நோட்டுப்போல... பாங்க் ஆஃப் லவ் வெட்டிங் இன்விடேஷன்.. (TWO HEARTS THAT BEAT AS ONE ) ...அதில் 100% லவ்., 100% எண்டர்டெயின்மெண்ட்., 100 % ஃபன் என எழுதி இருந்தது...முத்திரை குத்தும் இடத்தில் ஒருபக்கம் முகூர்த்தமும் இன்னொரு பக்கம் ரிசப்ஷனும்...

எல்லா மொழியிலும் ரூபாய் என எழுதி இருக்கும் இடத்தில்

அன்பாய் இரு..

ஆதரவாய் நட..

இன்பமாய் பேசு..

ஈசனை நினை..

உறவுகளை மதி..

ஊருடன் ஒத்துவாழ்..

எண்ணங்களை உயர்த்து..

ஏளனம் செய்யாதே..

ஐயம் மற..

ஒழுக்கம் கடைப்பிடி.,

ஓயாது உழை..

ஔஷதம் வேண்டேல்..

அஃகம் சுருக்கேல்..

என எழுதி இருந்தது..

உங்கள் அன்பை எல்லாம் இந்த திருமண மண்டபத்தில் டெப்பாஸிட் செய்யுங்கள் என்றிருந்தது... ரிசர்வ் பாங்க் கவர்னர் கையெழுத்திடும் இடத்தில் மணமகனும் மணமகளும் கையெழுத்திட்டிருந்தார்கள்.. இருவரும் இறுதிவரை இணைபிரியாமல் இருப்போம் என்று.. நல்லது மக்கா அப்படியே வாழுங்கள்.. எங்கள் ஆசீர்வாதமும் உங்களுக்கு ..