பற்று வரவு (பத்துவரவு)

பட்டுப்பூச்சி இறக்கையாய்
படபடக்கும் இமையில்
ஒரு நூறு முத்தம்..
நான் நூறு கொடுத்தால்
அது ஒன்று....!!!

ஈரமும் கருணையும்
விகசித்துக் கிடக்கும்
உன் இள இமைகளில்
இதுபோல் ஒரு நூறு..


ஒரு கண்ணில் வெண்ணெய்..
ஒரு கண்ணில் சுண்ணாம்பா..?
இரண்டுக்கும் சேர்த்து
இன்னும் சில நூறு..

கணக்கில் நான் கடைநிலை..
விடுபட்டுப் போய்விட்ட
மிச்சம் சிலநூறு..
கணக்கில் ( பத்துவரவு) வைத்துக் கொள்..
கடனாளியாகவே நான் திரிய..