குருக்ஷேத்திரம்

எதிர்பாராது
எதிரில் இருப்பவரே
எதிரியான குழப்பம்...
குறிவைத்தோ .,
குறிப்பிட்டதை மட்டுமே சொல்லியோ
எய்யப்பயிலாமல்...
கண்ணனே என் காதலன்.,
சாரதி., சேவகன் ஆனால்
என் போரேல்லாம் அவனுடனே ...

பேரொளியும் பேரிடியும்
மின்னலுமாய் என் மேல் வீழ
கண்ணீரில் கறுத்து நான்...
கூட இருப்பதுவும்...
கூடி முயங்குவதும் ...
கோரப் பொருவதும் ...
வார்த்தை யுத்தத்தில்
நிராயுதபாணியாய்க் காதல் .,
கண்மூடித்தேம்பி ....
எத்தனை துடைத்தும்
போகாத சேறு.,
இது ஊடலா ....?
வாயில் உலகைக் காட்டி .,
என்னையும் அந்த
வாய்க்குள்ளே மட்டும் அடக்கி ....
வெண்ணையும் .,மண்ணையும்
தின்றவன் என்னையும் தின்று ....
கம்சனா .,கர்ணனா .,காளிங்கனா.,.,
அர்ஜுனனா .,பலராமனா., த்ரௌபதையா .,
ராதையா .,பாமாவா .,ருக்மணியா .,
யசோதையா .,தேவகியா .,நான் யார்யாராவோ.,
ஒவ்வொரு சதாப்தத்திலும்
உடலும் .,ஆன்மாவுமாய்
நானும் கண்ணனும் ....