மனைவி

எந்நேரம் வந்தாலும்
எனக்காக கதவடியில்
காத்திருந்திருப்பாய்..

அதீதப்பேச்சால்
அயர வைத்தது போல்
அன்பாலும்...

பணிக்கான ஓட்டத்தில்
ஊர் விட்டு ஊர் ஓட
என்னுடனே துணை வருவாய்...

தனியாக நான் சென்றால்
என்னுடன் உன் இதயத்தையும்
இறைநம்பிக்கையையும்
என் துணையாய்
அனுப்பி வைப்பாய்...

என் நோவு கண்டால்
ஊர்ச்சாமி ஒன்றுவிடாமல்
பேர் சொல்லி கூப்பிட்டு
உளம்நடுங்க வேண்டி நிற்பாய்...

வகைவகையாய் உணவிட்டு
வந்த விருந்தோம்பி
வரும்விருந்துமோம்பி நிற்பாய்...

குழந்தைகளை படிப்போடும்
பண்போடும் வளர்த்திட்டாய்...

எப்போதும் சேர்ந்து இருக்க
முடியாமல் உன் பேச்சும்
பிரிந்து செல்ல இயலாமல்
உன் நேசமும் எனை அடிக்கும்
அளவுக்கதிகமாய்...

என்றாலும் எனக்கிங்கு
உன் போல ஒருவர் ஏது?
உனைவிட்டு இருந்தாலும்
உன்னுள்ளே நான் இருப்பேன்...!!!