இப்படியும் சாதிக்கலாம் என்ற என்னுடைய 26 ஆவது நூல் சென்னையில் அம்பத்தூரில் ஜூன் 29 அன்று வெளியிடப்பட்டது.
நகரத்தார் எழுத்தாளர் சங்கமும், சென்னை அம்பத்தூர் நகரத்தார் மகளிர் சங்கமும் இணைந்து நடத்திய ஒரு நாள் மாநாட்டில் நான்கு நூல்கள் வெளியிடப்பட்டன. அதில் இப்படியும் சாதிக்கலாம் என்ற என்னுடைய நூலும் ( நகரத்தார் பெண் தொழிலதிபர்களின் பேட்டி ) மாலை 4.30 க்கு வெளியிடப்பட்டது.
அம்பத்தூர் நகரத்தார் மகளிர் சங்கத்தினரும் எனது நூலில் இடம்பெற்ற பெண் தொழிலதிபர்கள், பெண் ஆளுமைகளும் பெற்றுக் கொண்டார்கள்.
திருமதி ராமகிரி ஆச்சி, திருமதி வள்ளி பழனியப்பன், திருமதி அலமேலு, திருமதி பார்வதி சிவக்குமார் திருமதி கனகலெக்ஷ்மி ஆகியோர் நூலில் இடம்பெற்றிருக்கும் ஆளுமைகள். இவர்களோடு பத்திரிக்கையாளர் திருமதி பிரேமா நாராயணனும், அம்பத்தூர் நகரத்தார் சங்க மகளிரும் பெற்றுக் கொண்டார்கள். நூலில் இடம் பெற்ற பலரும் பல்வேறு காரணங்களால் வர இயலவில்லை. கைபேசியில் நிகழ்வு நன்கு நடைபெற வாழ்த்துத் தெரிவித்தார்கள். நன்றி அனைவருக்கும்.
குறுகிய காலத்துக்குள் நூலைப் பதிப்பித்த பதிப்பாளர் திரு உணவுலகம் இராம மெய்யப்பன் அவர்களுக்கும் நன்றி.
கருத்துகள் இல்லை:
கருத்துரையிடுக
சும்மா ( பத்தி ) உங்க கருத்தையும் பதிவு செய்ங்க :)