ஜெர்மனியின் சாக்லேட் மியூசியத்தில் சாக்லேட்களின் வகைகள், தயாரிப்பு, தயாரிக்கும் மெஷின்கள், பாக்கிங், மோல்டுகள், விற்பனையகம், சாக்லேட்டின் பூர்வீகம், நூற்றாண்டுகளாக அதன் பயணம் பற்றி அறிய முடிந்தது. இவற்றை செக்ஷன் செக்ஷனாகப் பிரித்து விவரித்து எழுதியே வைத்திருக்கிறார்கள். எல்லாம் நமக்குத் தெரியாத ஜெர்மனில் இருக்கு ஹ்ம்ம்!.
சாக்லேட், சொக்கலைட், சிக்லேட் என்று எல்லாம் என் பெரியம்மா 1950 களின் சாக்லேட்களை ஒரு முறை வகைப்படுத்தினார். டார்க் சாக்லேட், சாஃப்ட் சாக்லேட் என்றெல்லாமும் இருக்கிறது. வெள்ளை நிறம், அரக்கு நிறம், கருப்பு நிறம், வெளிர் மஞ்சள் நிறம் இன்னும் பல நிறக் கலவைகளில் சாக்லேட்டுகள் கிடைக்கின்றன.
வாயில் போட்டால் கரையும் ஸ்விஸ் சாக்லேட்டுகள் உலகப் புகழ் பெற்றவை. சில சாக்லேட்டுகள் நம்மூரு உஷ்ணத்தில் சாக்லேட் ட்ரிங்க் ஆகிவிடும் அபாயம் உள்ளவை. எனவே ரெஃப்ரிஜிரேஷன் செய்துதான் சாப்பிடணும்.
நம்மூரு டெய்ரி மில்க்கும், ஃபைவ் ஸ்டாரும், காட்பரீஸும், காஃபி பைட்டும்தான் பல்லாண்டுகளாக என் விருப்பமாக இருந்திருக்கிறது. வான் ஹௌடன் என்று சிங்கப்பூரில் இருந்து என் மாமா கொண்டு வரும் சின்ன சிவப்பு கவர் போட்ட டார்க் சாக்லேட் எங்களுக்கு எப்போதாவது கிடைக்கும் பேரதிசயம்.
அவசர காலங்களில் மிலிட்டரி வீரர்களுக்கு பசி தீர்க்கும் உணவுப் பொருளாகவும் சாக்லேட் பயன்பட்டிருக்கு.
முன்பெல்லாம் ஃப்ளைட்டுகளில் சாக்லேட் கொடுத்து வரவேற்பது பழக்கமாயிருந்தது. போன நூற்றாண்டுகளில் விருந்து வைபவங்களிலும் சாக்லெட் மற்றும் சாக்லேட் ட்ரிங்க் ( ட்ரிங்கிங் சாக்லேட் ) கொடுத்து மகிழ்ந்திருக்கிறார்கள்.
இந்த இடத்தின் முக்கியத்துவம் என்னன்னா பதினேழாம் பதினெட்டாம் நூற்றாண்டில் சாக்லேட் தயாரிக்கப் பயன்படுத்திய சில்வர் & போர்ஸிலின் பாத்திரங்களைச் சேமித்து வைத்திருப்பதாகும். ஜக், மக், கப், கரண்டிகள், பௌல்கள், ஹாட் சாக்லேட் கொடுக்கப் பயன்படுத்திய கப் அண்ட் சாஸர்கள், கொதிக்க வைக்கப் பயன்படுத்திய குடுவைகள், கெட்டில்கள் உள்ளன.
சில நூற்றாண்டு வரலாறை டப்பாக்களில் அடைத்து வைத்திருக்கிறார்கள்.
விதம் விதமான ருசியில் சாக்லேட்டுகளும் அவற்றின் ப்ராண்டுகளும் அவை அடைக்கப்பட்ட டப்பாக்களும் விளம்பரங்களும் கூட இந்த செக்ஷனில் பாதுகாக்கப் படுகின்றன.
ஒரு பெண் குழந்தை ஓடுவது போல் வடிவமைக்கப்பட்ட விளம்பரம் சரோட்டி என்ற ஒரு சாக்லேட் ப்ராண்டுக்காக.
ஜெர்மனி, கோலோனில் ஸ்டால்வெர்க் என்ற நிறுவனம் சாக்லேட் தயாரிப்பில் நூற்றாண்டுகளும் மேலாய்ப் புகழ்பெற்றது. நாய்க்குட்டி படம் போட்ட சுச்செர்ட் என்றொரு ப்ராண்ட் உள்ளது. க்ராஃப்ட் ஜேக்கப் சுச்செர்ட் என்பவரின் நிறுவனம் தயாரித்த சாக்லேட் அது.
ஹாட் சாக்லேட் என்பது சாக்லேட் ட்ரிங்கின் ஒரு வகையே.
சிலவற்றுக்கு ஒயின் கூடப் பயன்படுத்துவார்களாம். அதனால்தான் ஒயின் தயாரிக்கும் ட்ரம்மும் ஷாம்பெயின் பாட்டிலும் பிரம்மாண்டமாகக் காட்சி அளிக்குதோ ?!
நட் கேரமல் எனப்படும் வால்நட் கேரமல் சாக்லேட். பாதம் , வாதுமை, முந்திரி ஆகிய கொட்டைகள் வைத்த சாக்லேட்டுகள் அடுத்தடுத்து வருகின்றன.
சிலவற்றில் வேர்க்கடலை, கொட்டைப் பருப்புகள், அரிசிப்பொரி ஆகியன கலந்துள்ளன. இந்தியாவில் சிலவற்றுள் பிஸ்கட்டுக்குள்ளேயே இப்போது சாக்லேட்டை வைத்து விடுகிறார்கள். பிராண்ட் & பேர் மறந்து விட்டது. காட்பரீஸ் சாக்கோ பேக்கா ?
இந்த ஃபெர்ராரோ ரோச்சரும் குறைந்ததல்ல. சுமார் 3. 50 யூரோவில் இருந்து ஆரம்பிக்கிறது. இதன் விலை ஆறு யூரோ. கிட்டத்தட்டப் பதினைந்து டப்பாக்கள் மிட்டாயும் நான்கு டப்பாக்கள் பிஸ்கட்டும் ஜெர்மனியில் இருக்கும் மகனார் வாங்கிக் கொடுத்தார். ஒவ்வொரு சாக்லேட் டப்பாவிலும் 16 சாக்லேட்டுகள் இருந்தன. இந்தியா வந்ததும் உறவினர் அனைவருக்கும் ஒவ்வொரு டப்பா சாக்லேட் கொடுத்து மகிழ்ந்தேன்.
இது இருந்த டப்பாவில் குலுக்கல் பரிசுச்சீட்டெல்லாம் இருந்தது. பி எம் டபிள்யூ ஐ8 கார், எலக்ட்ரோ ரோலர் என்னும் ஸ்கூட்டர் , அமேஸான் எக்கோ டாட் என்னும் பரிசுப்பொருள். இந்தியாவில் இந்தப் பரிசுச் சீட்டை வைச்சு என்ன செய்ய. :)
யாருக்குப் போச்சோ அந்த பி எம் டபிள்யூ.. ஹ்ம்ம் :) நாம ரிலாக்ஸ்டா சாக்லேட் மகாத்மியத்தைச் படிச்சு சாக்லேட்டை சுவைச்சு நிம்மதி காண்போம்.
பதிவைப்பார்த்ததும் சாக்லேட் பேக்டரி திரைப்படம் நினைவிற்கு வந்தது.
பதிலளிநீக்குSuper well said
பதிலளிநீக்குசரியாத்தான் கணிச்சிருக்கீங்க ஜம்பு சார் :)
பதிலளிநீக்குநன்றி பெயரில்லா.
வலைப்பதிவர் ஒற்றுமை ஓங்கட்டும் !
என்றும் நம்முள் வலிமை பெருகட்டும் !!