ஜெர்மனிக்கு இந்தியாவில் இருந்து செல்லப் பல்வேறு விமானங்களும் பல்வேறு விமானத்தளங்களும் இருந்தும் நாங்கள் பெங்களூருவைத் தேர்ந்தெடுத்தோம். ஏனெனில் அங்கே எங்கள் பெரிய மகன் வேலை செய்து வருகிறார்.
அபுதாபி வழியாகச் செல்லும் எதிஹாட் ஏர்லைன்ஸில் டிக்கெட்டும் வாங்கியாச்சு. விசா, டிக்கெட், இன்சூரன்ஸ் எல்லாம் உட்பட ஒரு நபர் சென்று வர ஒன்றரை முதல் இரண்டு லட்சம் வரை செலவானது. சின்ன மகன் அழைத்துச் சென்றார் என்பதால் எனக்கு இதன் செலவு விபரங்கள் எல்லாம் சரியாகத் தெரியாது :) :) :)
ஜெர்மனி சென்றாச்சு. இருமாதம் தங்கி ஐரோப்பா டூர் எல்லாம் முடித்து ஜெர்மனியில் இருந்து திரும்பும்போது எதிஹாடில் ஏறியபோது எடுத்த படம் இது.
நான் பார்த்ததிலேயே மிகப் பிரம்மாண்டமான ஃப்ளைட் என்றால் அது எதிஹாட்தான். கிட்டத்தட்ட 270 பேர் வரை செல்லலாமாம். குறைந்தது 30 இல் இருந்து 40 வரிசையாவது இருக்கும்.
அதுக்குள்ளே இண்டர்வெல் போல வை ஃப்ளை பற்றின விளம்பரம் பார்த்தேன். மிக அழகு.
ஃபோட்டோக்கள் மாறி மாறி அப்லோட் ஆனதால் இப்படிக் குளறுபடிகள். டைம் லாக் வேற இல்லையா அப்படித்தான் இருக்கும். அட்ஜஸ்ட் பண்ணிக்கொள்ளுங்கள். இதோ அபுதாபியில் இறங்கி பெங்களூரு செல்லும் அடுத்த எதிஹாடுக்காக வெயிட்டிங்.
எனக்கு வீல் சேர் அரேஞ்ச் செய்திருந்ததால் ஜில்லென்று அமர்ந்து வந்தேன் . கொஞ்சம் தயக்கமாகக் கூட இருந்தது ஏனெனில் என் வயது உள்ள எல்லாரும் க்யூவில் நின்று கொண்டிருந்தார்கள். :) இதுவரை கணவர் பையன்களோடு சென்றதால் அவர்களே கூட்டிச் சென்று விடுவார்கள். நானே வந்து விடுகிறேன் என்று சொல்லியும் எங்கே தவறான கேட்டுக்குப் போய் அலைந்து தேடுவேனோ என்னவோ என்று வீல் சேர் அரேஞ்ச் செய்து விட்டான் பையன். அவர்களுக்குக் கொடுக்கத் தனியாக இரண்டு ஐந்து யூரோக்களையும் கொடுத்தனுப்பி இருந்தான். என் செலவுக்காகக் கொடுத்த யூரோக்களை செலவழிக்காமல் அப்படியே எடுத்து வந்துவிட்டேன் :)
சிறப்பான தகவல்கள். படங்களும் நன்று.
பதிலளிநீக்குநன்றி வெங்கட் சகோ
பதிலளிநீக்குவலைப்பதிவர் ஒற்றுமை ஓங்கட்டும் !
என்றும் நம்முள் வலிமை பெருகட்டும் !!