அந்தமானில் கம்பராமாயணக் கருத்தரங்கு.

முகநூல் நண்பர் , கம்பன் கழக செயலாளர் , பேராசிரியர் பழனியப்பன் முத்தப்பன் அவர்களின் முகநூல் பக்கத்தில் இருந்து இதைப் பகிர்கின்றேன்.

 ////கம்பன் புகழ் பாடி கன்னித்தமிழ் வளர்க்கும் காரைக்குடி கம்பன் கழகத்தின்
சார்பில் எதிர்வரும் ஏப்ரல் மாதம் 10 ஆம் தேதி அந்தமான் நிக்கோபார் தீவுகளின்பெருநகரமான போர்ட்பிளேயரில் கம்பராமாயண மூன்றாம் உலகத்தமிழ்க் கருத்தரங்கு நிகழஉள்ளது.


தமிழறிஞர்கள் பலரும் கலந்து கொள்கின்றனர். எண்பதிற்கும் மேற்பட்ட கருத்தரங்கக் கட்டுரைகள் அக்கருத்தரங்கில் வாசிக்கப்பெற உள்ளன. அவற்றின் அச்சு வடிவ ஆய்வுக்கோவையும் அன்றே வெளியிடப்பெறுகிறது.

கம்பன் கண்ட இயற்கை நலத்தை வெளிப்படுத்துவதை மையமாகக் கொண்டு இக்கருத்தரங்கம் நிகழ்கிறது. ஒருநாள் முழுநிகழ்வாக நடக்க உள்ள இக்கருத்தரங்கின் அழைப்பினை இதனுடன் இணைத்துள்ளோம்.

மதிப்பிற்குரிய கம்பனடிசூடி அவர்கள் துணைவியாருடன்.

இவ்வழைப்பினை ஏற்றுத் தாங்கள் வருகை தர அன்புடன் வேண்டுகிறோம். மேலும் இவ்வழைப்பினைத் தாங்கள் பரவலாக்கம் செய்து உதவ அன்புடன் வேண்டுகிறோம்.///

டிஸ்கி :- அந்தமானில் நடைபெறும் கம்பராமாயணம் மூன்றாம் உலகத்தமிழ்க் கருத்தரங்கில் தங்களது ஆய்வுக் கட்டுரையையும் சமர்ப்பிக்கும் இணையர் மதிப்பிற்குரிய திரு கம்பனடிசூடி அவர்கட்கும் அவர் தம் துணைவியாருக்கும் , காரைக்குடிக் கம்பன்கழக இளவல்களுக்கும் மனம் நிறைந்த வாழ்த்துகள்.