சும்மா: காரைக்குடி ஸ்பெஷல் உணவு வகைகளும் பந்தி விசாரணையும்.

தென் தமிழ்நாட்டுச் சமையல் விருந்துகளில் செட்டிநாட்டுக் கைப்பக்குவத்துக்கு என்று தனிச் சிறப்பு உண்டு. தஞ்சாவூர் தாட்டிலையில் கூட்டுக்கறி, துவட்டல், பச்சடி, மண்டி, மசியல், பிரட்டல், சிப்ஸ், கட்லெட், ஊறுகாய், அப்பளம், கலவை சாதம், அக்கார அடிசில், புலவு, தயிர்ப்பச்சடி, இனிப்பு, முக்கனிகள், கெட்டிக் குழம்பு , சாம்பார், இளங்குழம்பு/தண்ணிக் குழம்பு, சூப், மோர்க்குழம்பு, ரசம், தயிர், பாயாசம் ( பழப் பாயாசம்/பாதாம் கீர் ) என மதியச் சாப்பாடு ப்ரமாதமாக இருக்கும்.

விருந்து மட்டுமல்ல விருந்தோம்பலிலும் செட்டி நாட்டு மக்கள் கெட்டிக்காரர்கள். வீட்டின் வாயிலில் வரவேற்பதில் இருந்து முறைகளில் சடங்குகள் செய்ய விட்டு விடாமல் அழைப்பதில் இருந்து உணவருந்தும் இடத்தில் ஒவ்வொருவரையும் விசாரித்து ஒவ்வொரு பதார்த்தத்தையும் போதும் போதும் என்று சொல்லும் அளவிற்குப் பிரியத்தோடு பரிமாறுவார்கள். இதற்குப் 301. பந்தி விசாரணை என்று பெயர்.

முதலில் சில ஸ்பெஷல் பலகாரங்களைப் பார்ப்போம்.

302. பாதாம் அல்வா. இனிப்புகளின் அரசன். இன்னும் இங்கே தம்ஃப்ரூட் அல்வா, காரட் அல்வா எல்லாம் ஃபேமஸ்.

303. கல்கண்டு வடை. தீபாவளிப் பலகாரம்.

304. கந்தரப்பம். திருமண வைபவத்தின் முதல் நாள் இரவில் கட்டாயம் இடம் பெறும் இனிப்பு.

305. மாவுருண்டை. மாலை நேர இனிப்பு. எங்கள் ஆயா மரவையில் வைத்துக் கொடுப்பார்கள்.
சீடைக்காய், சீப்புச்சீடைக்காய் தவிர
அதிரசம், முறுக்கு வடை,
மாவுருண்டை, தேன்குழல்,
மனகோலம், முறுக்கு வடை இவையே சரியான ஜோடி. இவை திருமணப் பலகாரங்களும் கூட. பழனி பாத யாத்திரையின்போது கட்டாயம் இவைகளில் ஒன்றாவது கிடைக்கும்.

306. “கந்தப் பலகாரம்” என்ற தலைப்பில்

“ கந்தனின் பூ முகம் மாவுருண்டை
அவன் காலடித் தண்டையோ முறுக்குவடை “ என்று பழநி வேலன் பாமாலையில் ஒரு பாடல் கூட உண்டு. இங்கே மாவுருண்டையைக் கிண்ணத்தில் நிரப்பி அச்சடித்திருக்கின்றார்கள்.

307. ரெங்கோன் புட்டு. இது திருமண வைபவத்தின் முதல் நாள் மாலை 308. இடைவேளைப் பலகாரத்தில் பரிமாறப்படும் இனிப்பு.

309. ஆடிக்கூழ்/ கும்மாயம். இதற்கு 310. சொல்லிக் கொள்ளும் பலகாரம் என்று பெயர். ஒரு வைபவம் முடிந்த அன்று மாலை இந்தக் கும்மாயம் பூரி/மினி ஊத்தப்பம் மற்றும் தூள் பஜ்ஜியுடன் பரிமாறப்படும்.

311. இது படைப்புப் பாற்சோறு. படைத்த மறுநாள் இதுபோல் வெட்டிப் புள்ளிகளுக்கு ஏற்பப் பங்கிட்டுக் கொடுப்பார்கள்.

312. தூள் பஜ்ஜி/ வெஜ் பஜ்ஜி, இது மாலைப் பலகாரம் . காரம். எடவேளைப் பலகாரம். :)

313. சீடைக்காய். வீட்டில் மாலை நேரத்தில் வழங்கப்படும் பலகாரம். ஸ்நாக்ஸ்.

314. வறுத்த முந்திரி. இது 315. பெண்ணழைத்த வீட்டில் இரவு விருந்தில் கட்டாயம் இடம் பெறும், மற்றுமுள்ள முக்கிய விருந்து விசேஷங்களுக்கும் மாலைப் பலகாரத்தில் இது இடம்பெறும்.

9 கருத்துகள்:

வை.கோபாலகிருஷ்ணன்19 ஏப்ரல், 2016 அன்று 10:27 PM
செட்டி நாட்டு சமையல்களும், விருந்து உபசாரமும் பற்றிச் சொல்லத்தான் வேண்டுமோ! அதிலெல்லாம் நீங்கள் மிகவும் பிரபலமானவர்கள் ஆச்சே !!

ஐட்டம் 302, 312, 314 ஆகிய மூன்று மட்டும், ஒவ்வொன்றிலும் 4-5 கிலோ வீதம் எனக்கு என்று ஒதிக்கி வைத்துவிட்டுச் சொல்லுங்கோ, உடனே புறப்பட்டு ஓடி வந்துவிடுகிறேன். :)))))))

பாதாம் அல்வா பார்க்கவே அப்படியே வழிச்சு முழுங்கணும் போல ஜோரா இருக்குது. :)

தூள் பஜ்ஜியும், வறுத்த முந்திரியும் என் ஆல் டைம் ஃபேவரைட் ஐட்டம்ஸ் :)

பசியைக் கிளப்பிவிடும் பகிர்வுக்கு நன்றிகள்.
பதிலளிநீக்கு
பதில்கள்
Dr B Jambulingam, Assistant Registrar (Retd), Tamil University20 ஏப்ரல், 2016 அன்று 7:01 AM
ரசித்தோம், ருசித்தோம். நன்றி.
பதிலளிநீக்கு
பதில்கள்
கீதமஞ்சரி20 ஏப்ரல், 2016 அன்று 9:36 AM
சர்க்கரை நோயாளியின் கண்முன் இத்தனை இனிப்புகளா? வாயூறச்செய்யும் படங்கள்... இந்த வகை வகையான உணவுக்காகவே ஊருக்கு வரவேண்டும்போல் உள்ளது தேனம்மை.
பதிலளிநீக்கு
பதில்கள்
ஸ்ரீராம்.20 ஏப்ரல், 2016 அன்று 12:31 PM
ஆஹா....
பதிலளிநீக்கு
பதில்கள்
Thulasidharan V Thillaiakathu20 ஏப்ரல், 2016 அன்று 3:07 PM
நாவில் நீர் சுரக்கிறது!!! சகோ...அது சரி ஆடிக் கூழ்/கும்மாயம் சொல்லிக் கொள்ளும் பலகாரம் என்பதன் கீழ் இருக்கும் படம் கும்மாயம் கோதுமை ஹல்வா போல இருக்கிறதே.....சூப்பர்
பதிலளிநீக்கு
பதில்கள்
Menaga Sathia20 ஏப்ரல், 2016 அன்று 7:19 PM
ahaaa,akka naavuruthe..ungalin rangoon puttu palamurai seithachu.....superrr!!
பதிலளிநீக்கு
பதில்கள்
ராமலக்ஷ்மி21 ஏப்ரல், 2016 அன்று 11:26 AM
படங்களும் பகிர்வும் அருமை :).
பதிலளிநீக்கு
பதில்கள்
Thenammai Lakshmanan25 ஏப்ரல், 2016 அன்று 9:50 PM
அஹா பாராட்டுக்கு மிக்க நன்றி விஜிகே சார் !

நன்றி ஜம்பு சார்

நன்றி கீதா

நன்றி ஸ்ரீராம்

நன்றி துளசி சகோ & கீத்ஸ் நெய்யை விட்டுக் கொட்டியிருக்காங்க சகோ:)

நன்றி டா மேனகா.. அஹா !

நன்றி ராமலெக்ஷ்மி

பதிலளிநீக்கு
பதில்கள்
Thenammai Lakshmanan25 ஏப்ரல், 2016 அன்று 9:51 PM
வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!
பதிலளிநீக்கு
பதில்கள்

கருத்துரையைச் சேர்

சும்மா ( பத்தி ) உங்க கருத்தையும் பதிவு செய்ங்க :)

செவ்வாய், 19 ஏப்ரல், 2016

காரைக்குடி ஸ்பெஷல் உணவு வகைகளும் பந்தி விசாரணையும்.

9 கருத்துகள்: