சும்மா: காரைக்குடி வீடுகளில் தேக்குமரச் சிற்பங்கள். -2.TEAKWOOD CARVINGS OF CHETTINAD HERITAGE HOUSES. பாகம்

191. இது நிலைக்கதவில் உள்ள அமைப்பு. கைப்பிடி பாருங்கள். கோயில் கதவு போலக் கதவும் முரட்டுக் கைப்பிடியும். வார்ப்பிரும்பா பித்தளையா தெரியவில்லை. ஆனா பாலிஷ் செய்தா மஞ்சள் கலரில் தங்க வண்ணத்தில் ( பெயிண்ட் :) ஜொலிக்கும். அதில் கோட்டைகளில் இருப்பது போன்ற கெட்டி குமிழ்கள். இது போன்ற அமைப்பை கோல்கொண்டா போன்ற கோட்டைகளில் கோட்டைக் கதவுகளில் பார்த்திருக்கிறேன். யானை வந்து முட்டினால் காயம் படும். அதுக்காக அங்கே அமைக்கப்பட்டிருக்கும். இங்கே வீடுகள் கோட்டை போல இருப்பதால் இம்மாதிரி அமைத்திருக்கலாம். ஆனால் இது முகப்பின் உள்ளே உள்ள நிலைக்கதவு. பட்டாலைக்குச் செல்லும் நிலைவாயில்.

இது வலது பக்க கொண்டி. சாவியின் துவாரமும் பெரிதாக இருக்கு. சாவிகள் எல்லாம் 192. கோயில் சாவிகள் போல இரண்டு கைகளாலும் பிடித்துத் திறக்கணும். ஊருக்கு வந்துட்டுப் போனா ரெண்டு நாளைக்கு நடு விரலும் மோதிர விரலும் சேருமிடம் வலிக்கும். கதவைத் திறந்து பூட்டி கன்னிப் போயிடும். :) அந்தப் பித்தளை கொண்டி இருக்கும் இடத்தில் எத்தனை அடுக்காய் மரச் சதுரங்கள். அதன் கீழேயே எத்தனை அடுக்காய் சதுரங்கள். இவற்றை எப்படி சிதைவடையாமல் செதுக்கினார்கள் என ஆச்சர்யப்பட்டதுண்டு. !

இது பழமையான வீடு & கதவு என்பதால் அதிகம் தூசி படிந்துள்ளது. நிலையின் இரு பக்கங்களிலும் உள்ள மர வேலைப்பாடு இது. இடது பக்கம் மூன்று சிற்பங்கள் நேரே மேலே நிலைவாசலில் கீழ் நோக்கியவாறு ஒன்று, வலது பக்கம் மூன்று சிற்பங்கள். பெரும்பாலும் கிருஷ்ணர் சிலைகள்தான். பிடிச்சு வைச்சா பிள்ளையார் என்பது போல இங்கே செதுக்கினா கிருஷ்ணனைத்தான் செதுக்குவோம்னு செதுக்கி இருக்காங்க. நான் பார்த்த அநேக வீடுகளின் நிலைகளில்.

இவர் 193. குழல் ஊதும் நவநீத கிருஷ்ணர். உடைகளின் நெளிவுகளும் சுளிவுகளும் மேலும் மயிற்பீலி போல் சுற்றிலும் வேலைப்பாட்டையும் பார்த்து அசந்தேன். !

எத்தனை 194. அடுக்கு மரத் தாமரைகள் பாருங்கள். கிட்டத்தட்ட ஐந்து அடுக்கு. அதில் முதலில் வரந்தை பின் மணி அடுக்கு அப்புறம் குட்டி இதழ் அடுக்கு, அதன் பின் நீள் இதழ் இரட்டை அடுக்கு அதன் பின் முத்துக் கோர்த்தாற்போல வெளி விளிம்பு அடுக்கு.

இடது காலை நிறுத்தி வலது காலை மடித்து அதே குழலூதும் கிருஷ்ணர் இன்னொரு பக்கமும். கொஞ்சம் க்ளோசப்பாக. :) இதில் ஆபரணங்கள் அணிந்த கண்ணனும் அவன் காலுறை கோமாதாவும் காட்சி அளிப்பது சிறப்பு.

195. அன்ன பட்சி. அழகான இறக்கை மடிப்புகளோடு அன்னம். அழகு. பக்கவாட்டுச் சுவரிலும் பாருங்கள் என்ன வேலைப்பாடு. ஏதோ க்ளே வைத்து செய்வது போல மரத்தைச் செதுக்கி இருக்காங்க. ஒரு துண்டு கூட வெட்டுப் படலை. அதிலும் அந்தப் பறவையின் காலைப் பாருங்க. விரல் நகம்கூட அழகா செதுக்கப்பட்டிருக்கு. வளைவுகள் நெளிவுகளோட வரையப்படும் ஓவியத்தையே மரத்தில் செதுக்கி உருவமா ஆக்கி இருக்காங்க. !

இந்தச் சிற்பம் எனக்கு இந்தத் திருப்பாவையை ஞாபகமூட்டுது.

196. புள்ளின் வாய் கீண்டானைப் பொல்லா அரக்கனைக்
கிள்ளிக் களைந்தானை கீர்த்திமைப் பாடிப்போய்

பறவை வடிவில் வந்த பகாசுரன் என்ற அசுரனை வாயைப் பிளந்து அழித்த திருக்கோலம். இதை எப்படி இவ்வுளூண்டு சின்னச் சிற்பத்தில் வடித்தார்களோ !

இது நடு நேர் நிலையில் உள்ள திருக்கோலம்தான் பெரிய திருவடியாயிருக்கலாம். சிதைந்திருக்கிறது. ஆனால் பக்கங்களில் இருக்கும்
இறக்கைகளையும் அமைப்பையும் வைத்து இச்சிற்பம் பெரிய திருவடி 197. கருடாழ்வார் என்ற முடிவுக்கு வருகிறேன். பாருங்கள் முத்துச்சரங்களைப் போல ஒரு அழகான வடிவமைப்பு செதுக்கப்பட்டிருக்கு. அது அவரின் கைகளில் இருந்து இரு புறமும் வழிவது போல இருக்கு ஏதேனும் மாலையாக இருக்கலாம்.

ஒரு கையில் கோல் பிடித்து மறுகையில் வால் பிடித்து வலக்காலை காளிங்கனின் சிரசில் ஊன்றி 198. மதங்க நர்த்தனம்.கிருஷ்ணரின் முகத்தில் குழந்தைத்தனம், தொந்தி குலுங்க அங்கவஸ்திரம் மடிப்புகளோடு காற்றில் ஆட இடையில் அணியாரமும் காலில் தண்டைகளும் கையில் கங்கணமும் அழகு செய்ய ஆபரணங்கள் பூண்ட திருக்கோலம். மடுவின் பக்கவாட்டில் நீர்ச்சுழிகள் அலையாய் உருள்வது போல செதுக்கப்பட்டிருப்பது இன்னும் சிறப்பு.

199. கிருஷ்ணர் கொண்டைன்னு கேள்விப்பட்டிருக்கோம். இதுல கிருஷ்ணர் கொண்டை அழகா வடிவமைக்கப்பட்டிருக்கு. இதுல இருக்குறது கிருஷ்ணரும் ராதையும் எனத் தோன்றுகிறது . ஏதோ ( பேட் துவாரகா ? ) வில் படகுல போறாங்களா அல்லது ஏதும் வாத்தியம் இசைக்கும் பெண்ணான்னு தெரியல. :(. அதுவும் வலது கையால் மேற்புறம் பிடித்து இடது கையால் கீழ்ப்புறம் வாசிக்கும் வாத்தியம் ஏதும் இருக்கான்னு தெரில. ( ஒரு வேளை இந்தப் பெண் இடது கை வாசிப்பாளரோ என்னவோ. ) ஆனால் இருக்கும் அமைப்பை பார்த்தால் ஏதோ படகுல உக்கார்ந்து அலங்காரத் ! துடுப்பை போடுற மாதிரி இருக்கு. கிருஷ்ணர் பக்கத்துல இரண்டு மூன்று டப்பா ( ஆர்மோனியம் அல்லது வாத்தியம் ) போன்ற அமைப்பை செதுக்கி இருக்காங்க. ஆனா அது படகோட பக்கவாட்டுப் பக்கமான்னும் தெரில. :(