தின ஓவியம்.

ஒவ்வொரு தினமும்
புதிய ஓவியத்தை
வரையத் துவங்கி விடுகிறது.

சிலவற்றில் கோபச் சிவப்பு.
சிலவற்றில் காம நீலம்.
சிலவற்றில் காதல் பசுமை
சிலவற்றில் தியான வெண்மை
சிலவற்றில் இழப்பின் கறுப்பு
சிலவற்றில் குழந்தை ரோஜா
சிலவற்றில் துறவின் வயலட்.



கழிந்த தினம்
ப்ரயாணச் சீட்டாகவோ
நாட்காட்டித் தாள்களாகவோ
குப்பை வண்ணம் சேர்ந்து
கிழிபட்டுக் கிடக்கிறது.

உறவுகளும் நட்புகளும்
கறுப்பு வெள்ளை ஓவியமாய் வெளிறி
சட்டத்தில் கிடக்கின்றன.

மங்கத் தொடங்கும்
அவற்றின் மேலேயே
புதுவண்ணம் குழைத்து
உறவுக் கிளைகளையும் 
நட்பு இலைகளையும்
வரைய ஆரம்பிக்கிறது
அடுத்த தினம்.