கல்கி கவிதைக்கு வாசகர் கடிதங்கள். - பாகம் 1.

எல்லாப் புகழும் சுசீலாம்மாவுக்கே !!!. :)

கல்கியில் ”கிராமத்துத் திருவிழா “ கவிதை வெளிவந்தவுடன் வாசகர் கடிதங்கள் வரத் தொடங்கின. முதன் முதலில் பாராட்டு மழை.. ஒரே இன்ப வெள்ளம். :) இதை  எல்லாம் சுசீலாம்மாவிடம் சொன்னபோது அவர்கள் வந்த கடிதங்களை எல்லாம் ஃபைல் பண்ணி வைக்க சொன்னார்கள். அந்த ஃபைலில் இருந்து ஒரு பதினைந்து கடிதங்களைப் பகிர்கிறேன்.

நிறையப் பேர் கவிதையாகவே கடிதம் எழுதி இருக்கின்றார்கள். சிலர் தாங்கள் இயற்றிய கவிதைகளையும் பார்வைக்கு அனுப்பி இருந்தார்கள். !

இது பாளையங்கோட்டை செயிண்ட் சேவியர் கல்வியியல் கல்லூரியில் இருந்து மஹிலா என்பவர் எழுதியது. சில சமயம் இது ஒருவரா மூன்று பேரா என்று யோசித்திருக்கிறேன் :)

ஈரோடு, ”நேற்று” இலக்கிய வட்டத்தைச் சேர்ந்த திரு கே இரவிச்சந்திரன் அவர்களின் கடிதம்.

இந்தியன் ஓவர்சீஸ் வங்கியில் பணிபுரிந்த தனரட்சகன் என்பவரது கடிதத்தில் ஓவியம் வரைந்த உமாபதியையும்  பாராட்டி இருக்கிறார்.

அத்தை மாமன் அக்கா மகள்களை வட்டமிட்டு வரும் வாலிபர் கூட்டமும், நெஞ்சில் நின்றோனை மஞ்சள் நீர் கொண்டு குளிப்பாட்டி விடும் குமரியர் கூட்டமும் இவரது கண்களில் தென்பட வில்லையா இல்லை மனமறிந்தும் மறந்துவிட்டாரா எனத் தன்குறையாகக் கேட்டுள்ளார்.

மதுரையைச் சேர்ந்த ரகுராம் என்பவர் எழுதிய கடிதம். இதில் அவர் ஒரு தலைப்பு கொடுத்து கவி எழுதச் சொல்லி இருக்கிறார் :) !!!

காஞ்சிபுரத்தைச் சேர்ந்த நரசிம்மன் என்பவர் எழுதிய கடிதம் . பெரும்பாலானவர்கள் கடிதம் எழுதியதைத் தவறாகக் கருத வேண்டாம் என்று கேட்டுக் கொண்டிருக்கின்றார்கள். மேலும் அவர்களின் கவிதை பற்றிய கருத்தை எழுதி அனுப்பச் சொல்லி இருக்கின்றார்கள். :)

மிக்க நன்றி கல்கிக்கும், சுசீலாம்மாவுக்கும் ஃபாத்திமா கல்லூரிக்கும் எனது பெற்றோருக்கும். :)