அடுத்த கோர்ஸ்.

அடுத்த கோர்ஸ்..
****************************
காய்ச்சலுக்கு.,
இருமலுக்கு
உடல்வலிக்கு.,
தொண்டைப் புண்ணுக்கு என
பல வண்ண மாத்திரைகளையும்
ஒன்றாய் விழுங்குவதாய்..


ஈழத்துக்கு.,
மீனவர்க்கு்.,
சாய(ந்த) மண்ணுக்கு.,
உரிமை மீறலுக்கு என
கவிதை எழுதித் தொலைக்கிறேன்..

ஒன்றையும் குணமாக்கும்
வழி தெரியாமல் விழிக்கிறேன்..
கையில் அடுத்த கோர்ஸை
தொடரச் சொல்லும்
மருத்துவக் குறிப்போடு..

////இன்று மே 18 அழிவை நினைத்து வருந்தி இக்கவிதை.////

டிஸ்கி..1..:- இந்தக் கவிதை 13.2.2011 திண்ணையில் வெளிவந்துள்ளது. நன்றி திண்ணை..:))

டிஸ்கி ..2..:- இந்தக் கவிதை 14.2.2011 உயிரோசையில் வெளிவந்துள்ளது. நன்றி உயிரோசை..:)