ஐந்தொகை.--(.4.).

வெய்யில் தாளாமல்
வேர்வைத் துளிகளாய்
வடிந்து கொண்டிருந்தன இலைகள்..
************************************************
இரவுக் கம்மாய்க்குள்
குளித்துக் கொண்டிருந்தது
நிலவு.
***********************************************

அலகுகளும் கால்நகங்களும் நீண்ட
வல்லூறாய் நின்று கொண்டிருந்தது
மொட்டை மரம்.
***********************************************
அளவுகள் மாறிய
பேரிளம் பெண்ணாய்
விளைந்து கிடந்தது பலா
**********************************************
இருளையும் வெய்யிலையும்
உதறத் தெரியாமல்
விழித்துக் கொண்டிருக்கிறது பூமி.

டிஸ்கி. 1 :- இந்தக் குறுங்கவிதைகள் மார்ச் 13., 2011 திண்ணையில் வெளிவந்துள்ளன. நன்றி திண்ணை..:))

டிஸ்கி .. 2:- மார்ச் 15 - 30 ., 2011 . அதீதத்திலும் வெளிவந்துள்ளன. நன்றி அதீதம்.