கிருஷ்ணப் ப்ரேமி

பசுக்கள் சூழ புல்லாங்குழல் இசை கண்ணா
என்னுள் இருக்கும் ராதை நடனமாட..
ஆனந்தமாய் சுயமிழந்து...

நினைவலைகளில் நித்தமும் பெருகிப் பெருகி
என்ன வெள்ளமிது கண்ணா ? எங்கே நான்..?

இசைக்கிறாயா..? இசைகி்றேனா..?
உயிரும் மெய்யுமாய் பிணைந்து நனைந்து...

ஆலிலையில் நீ ..ஆலிலையாய் நான்..
ஆரோகணமும் அவரோகணமுமாய் சேர்ந்தாடி


குருக்ஷேத்திரத்தில் பாஞ்சசன்யமாய்,,
பூதகியோ., காளிங்கனோ., கம்சனோ., கர்ணனோ..

நாடி நரம்புகளில் தொடுக்கிறாய்..
தோட்டப் பூவாய் தொடுக்கத்தொடுக்கப்
பூத்துக்கொண்டே.. தொடர்ந்து உன்னை..

எல்லாவற்றிலும் நீ ...இயைந்த இசையாய்
எல்லாவற்றிலும் உன்னைத் துய்த்து நான்..

எனக்குள் நீயா.. உனக்குள் நானா..?
ஜென்ம ஜென்மமாய்த்தேடும் கிருஷ்ணப் ப்ரேமி...