காரைக்குடியில் கம்பன் விழா

கம்பன் வாழ்க..!
கம்பன் புகழ் வாழ்க ..!!
கன்னித் தமிழ் வாழ்க..!!!
இந்த ஓங்கிய குரலுக்குச் சொந்தக்காரர் கம்பன்
அடிப்பொடி சா .கணேசன் செட்டியார் அவர்கள்...

தமிழை ஊனாய் உயிராய் உணர்வாய் உணவாய்க்
கருதும் எவரும் கம்பனில் தோயாதவரல்லர்..
காரைக்குடியில் 72 ஆவது கம்பன் விழா கடந்த
சனிக்கிழமை ஆரம்பித்தது.. மகத் திருநாளில்..
கவிக்கோ அவர்களின் தலைமையில்...
நேற்று பூரத்திருநாளில் ”கம்பனில் கணியன்” என்று
திரு சோ. சத்தியசீலன் அவர்களின் உரையும்.,

இன்று உத்தர நாளில் இளம்பிறை மணிமாறன்
தலைமையில் பட்டிமண்டபமும்., நாளை பங்குனி
அத்தத் திருநாளில் நாட்டரசன் கோட்டையில்
கம்பன் அருட்கோவிலில் திரு அறிவொளி தலை
மையில் வழிபாடுடனும் விழா நிறைவு பெறும்...
அறங்காவலர்கள் சக்தி திருநாவுக்கரசு.,கம்பன் அடி
சூடி திரு பழ. பழனியப்பன்.,நா. மெய்யப்பன்.,அனை
வரும் இத்துணை வருடங்களாக விழாவை
சிறப்பாக நடத்தி வருகிறார்கள்..
காரைக்குடியில் உள்ளது கம்பன் தாய்க்கழகம்...
புதுச்சேரி .,மதுரை., அருப்புக்கோட்டையிலும் இதன்
சேய்க்கழகங்கள் இருக்கின்றன..
”ஒலித்தாய்” ”வரித்தாய்” என எழுதப்பட்டு இருக்
கிறது. கம்பன் கற்பக கல்விக்கூடத்தில்..தமிழை
நேசித்தும் சுவாசித்தும் வாழ்பவர்கள் இருக்கும்
இடம் அது..

திருமதி லெட்சுமி கிருஷ்ணமூர்த்தியின் இறை
வணக்கத்துடன் ஆரம்பித்தது நிகழ்ச்சி ,. அடுத்து
திருமதி ராதா ஜானகிராமனின் மலர் வணக்கம்..
பின் கம்பன் கற்பகக் குழந்தைகளின் கம்பன் அடிப்
பொடி அஞ்சலி..
கம்பன் அடி சூடி திரு பழ பழனியப்பன் அவர்களின்
வரவேற்பு உரை தமிழ்த்தேனாய் ஒலித்தது..
இன்சொல் தமிழர் உரிமை என்றாலும் அன்று நமது
உரையில் கவிக்கோவிற்கு கிடைத்த வக்ஃபு வாரி
யத் தலைவர் பதவி ...சிவப்பு விளக்கு கார் அறி
விக்கும் அவர் வருகை... நம் தம் தமிழுக்குக்
கிடைத்த வெகுமதியாக... சிறப்பாகவே கருதுவதாகக்
கூறினார்.. ரகு மானின் காவியம் பற்றிப் பேச
”ரகுமானே” வந்து இருப்பது பொருத்தம் என்றார்.
வாலி கவிக்கோவை “வாணியம் பாடி வர்ணக்
குயில்..கவிதா ஆலாபனையில் சிந்தனைக்குரிய
சிந்து பைரவி .மொத்தத்தில் தனி ஆவர்த்தனம்”
என புகழ்ந்து கூறியதாகச் சொன்னார்.
அமரர் திரு ஜி.கே.சுந்தரத்தின் படத்திறப்புக்காக
புதுச்சேரி கம்பன் கழகத்தலைவர் (93 வயது.....
தமிழ் செலுத்தும் அன்பும் வேகமும் பாருங்கள் ..!)
திரு ந. கோவிந்தசாமி வந்திருந்தார்..
அதன் பின் ”கம்பனில் நான்மறை” என்று திரு பழ.முத்தையா எழுதிய நூலை மதுரை கம்பன் கழகத்
தலைவர் திரு சங்கர சீதாராமன் வெளியிட்டுப்
பேசினார்..அதனை திரு ஏஆர் ராமசாமி (அண்ணா
மலைப் பல்கலைக்கழகம்) பெற்றுக் கொண்டார்கள்.
திரு சேதுபதி எழுதிய ”வரலாறு நடந்த வழியில்”
என்ற நூலை திரு பழ முத்தப்பன் வெளியிட
திரு அய்க்கண் பெற்றுக் கொண்டார்கள்..
பள்ளத்தூர் திரு பழ பழனியப்பன் எழுதிய கம்ப
ராமாயண உரை யுத்த காண்டம் 4 தொகுதிகள்
வெளியீடு ..இதை இராசபாளையம் திரு முத்து
கிருஷ்ண ராஜா வெளியிட புதுச்சேரி கம்பன் கழகத்
தலைவர் திரு சிவக்கொழுந்து பெற்றுக் கொண்டார்.
பின்னர் பள்ளி கல்லூரி மாணவர் மாணாக்கியருக்
கான கம்பன் பற்றிய கவிதை கட்டுரை உரைநடைப்
போட்டிகளில் வென்றவர்களுக்கு அறக்கட்டளை
மற்றும் தனிநபர் பரிசுகளும் வழங்கப்பட்டன.
அப்போது விஸ்வாஸ் அறக்கட்டளை சார்பாக
அடுத்த வருடத்திலிருந்து கம்பனில் இசைப்
போட்டியும் நடத்தி பரிசு வழங்க முடிவானது..
இறுதியில் தலைவர் கவிக்கோவின் ”யாதும்
ஊரே “ என்ற கணியனின் வரிகளோடு (இத்தனை
வருடங்களில் இல்லாத புதுமை இது ..தலைவர்
உரையில் இவ்வாறு தலைப்பிட்டு பேசுவது)..
திருநாள் மங்கலம், மங்கலமாக நிறைவுற்றது..

“கம்பன் புகழ் பாடி கன்னித்தமிழ் வளர்ப்போம் “

பின் குறிப்பு:-
அடுத்து வரும் இடுகைகளில் திரு ந. கோவிந்த
சாமி., திரு பழ முத்தப்பன்., திரு சங்கர சீதாராமன்.,
திரு வி.பி. சிவக்கொழுந்து மற்றும் கவிக்கோவின்
உரையுடன் நிறைவு செய்வேன்....