இருவருக்கும்

பனைமரங்களும் தென்னைமரங்களும்
பாய்மரங்களும் தெளித்துக் கிடக்க..
கரையோரம் ஆளைத்தழுவி
இழுத்துச்செல்லும் மின்சார அலை...
சொற்களின் அர்த்தமும்
வார்த்தைகளின் வீர்யமும்
கடந்த மௌனம்...
சும்மா பக்கத்தில் அமர்ந்து
இருப்பது கூட சுகமானதாய்...

நட்புக்கும் காதலுக்கும்
மேலானதொரு கரையாத உணர்வு...
வயதெல்லாம் ஒரு பொருட்டில்லை..
வார்த்தைகளின் வழி அணுக்கத்திற்கு..
ஆறுதலான பார்வைக்கு
அணைப்புக்கு ஏங்கும் மனிதர்கள்...
கிளைடர்கள் பறந்தும்
கருடன்கள் மீன்களோடும்
கங்காருக்கள் குட்டியுடன் துள்ளிக் கொண்டும் .
பலூனோ பட்டமோ ஆதாரக்கயிற்றில்
ஆடிக்கொண்டு மனசு..
ஃபெரிக்களும்., ஸ்கீயிங்கும்.,
க்ராஃப்டும் ., ஸர்ஃபிங்குமாய் .,
பாரா செய்லிங்கைப்போல
பறந்து பறந்து இறங்கி...
பக்கத்து வட்டுகளில்
கடந்து செல்வதே
வாழ்க்கையும் நட்பும்....