நீலோத்பவம்

பர் துபாயின் பேரழகே
நீல வைரமே ...
தேரா க்ரீக்கின் ஆப்ராவில்
உனைக்காண...

யமுனையின் ராதையாயும்
மீராவாகவும் ஆண்டாளாகவும்
சதுர்யுகமாய் உனைத்தேடி...

என் பேரழிந்து
ஊரழிந்தேன்
நீலோத்பவமே....

ஜலக்ரீடையும்
பாமாலையும்
பூமாலையும் சூடி ...

தேடித் தேடி
உன்னைச் சூடிக் கொண்ட
சுடர்க்கொடியாய்....

நீலச் சூரியனே
என் ப்ரபஞ்சத்தில் தான்
நீயென்றாலும்
தொடமுடியா உயரத்தில்....

வானவில்லை அணிந்துகொண்ட
நீள்வெளியாய்....
வர்ணமாலை அணிந்த
நீலவண்ணனே....

என் மனமெனும் காளிங்கத்தில்
மதங்க நர்த்தனமாடி
ஞானச்சுடர் தெறித்தோனே....

கறுப்பின் அழகும்
நெருப்பின் அழகுமாய்
ஜொலிக்கும் அழகே.....

உன் ஆழிப்பேரலையின்
கன்னச் சுழிப்பில் நான் மயங்க
நீ ஆலிலையில் அழகுத்துயிலில்....

துயில் எழுந்து வா கண்ணா
உன் மதுராவில்
உனக்காக நான்....