குழந்தை வளர்ப்புத் தொழிலாளிகள்

சிறகை இழந்த பறவைகள்

ஒரு போதும் பறக்கவே முயல்வதில்லை,

சிறகு வளர்ந்த பின்னும்.

இருப்பதற்கும் இரைப்பைக்கும்

இறகை சிறிது அசைப்பது தவிர

உயரப் பறக்க இசைவதில்லை

உள்ளமெல்லாம் பறந்தாலும்.

குழந்தைக்கான கூடும்

குடும்பக் கண்ணியமும் காத்து நிமிர்கையிலே

முறிந்து வீழ்கிறது பால்யமும் பேரிளமையும்.

குழந்தைத் தொழிலாளிகள் இல்லை

இவர்கள் குழந்தை வளர்ப்புத் தொழிலாளிகள்