வெள்ளி, 12 மே, 2017

சில மொக்கைக் குறிப்புகள் - 7

**ஒத்த மிஞ்சி கொடுத்தேண்டி
தங்கமே தங்கம்
அது ஒண்ணுக்கு மூணா மின்னுவதென்ன
தங்கமே தங்கம்
ஒத்த மிஞ்சி நீ கொடுத்தே
மச்சானே மச்சான்
அது ஒன் பிரியம் போலப் பெருகிப் போச்சு
மச்சானே மச்சான்

--இதுக்கும் எம் எல் எம் பிஸினஸுக்கும் சம்பந்தமில்ல மில்ல மில்ல

**ஆயிரம் முறை பார்த்தாலும்
அலுப்பதில்லை அழகான ஓவியமாய்..
பேச்சில்தான் வலுக்கிறது பிரச்சனை.

**நானாக உதிர்த்தால் தவிர
என் புன்னகைப் பூவை
உன்னால் பறிக்க முடியாது. :)

**Never look back.
Dont turn..
Run.. Run..
Fast forward..
Time is short.
Reach the goal...

**கண்ணாடியைப் பார்த்துக்
கர்வம் கொள்.
இன்னமும் நீ அழகாய் இருக்கிறாயென்று.

#நமக்கு_நாமே_பாராட்டிக்குவோம். :)

**ஏவலாட்கள் ( ஏவ ஆட்கள் ) கிடைத்தால்
முதியவர்களுக்கு வியாதிகள்
பெரிதாகத் தெரிவதில்லை.

**கதவுக்குப் பின் ஒளிந்திருக்கும் என்னைக்
கண்டுபிடித்துவிடுவாயோவென
திக் திக்கிட்டு ஜில்லிட்டுவிடுகிறது இதயம் :)

**எப்போதும் ஏதேதோ வேலைகளுக்குள்
நீயும் நானும் மாறி மாறிக்
காணாமல் போய்க் கொண்டிருக்கிறோம்.

**சுத்தமாக அழித்துவிட்டேன்
எங்கிருந்து முளைக்கிறது
புல்லாய் உன் நினைவு..

**வாழ்ந்திருந்தது ஒரு காலம்
வாழ்ந்ததை நினைத்திருப்பது ஒரு காலம்
காலங்கள் மாறுகின்றன நினைவுகள் மாறுவதில்லை.

**தேடுகிறாயா எனத் தெரிந்துகொள்ளவே
காணாமல் அடிக்கிறேன் என்னை.

**உலகத்து இன்பங்களை
ஒரு தட்டில் வைத்தாலும்
உன் ஒரு பார்வைக்கு ஈடாகுமா

**கோபித்துக் கோபித்துப் போவாய்
கோபத்தில் தத்தளிக்கும் உள்ளம்
பித்தாகும், பித்தாக்கும்
உன் பார்வையின் சுகம் தாங்குமா

**காண எதுவுமில்லை
உன் கையெழுத்துத் தவிர
கண் நிறைந்து மனசு நிறைந்து
பொழுதும் நிறைந்து போகிறது
எழுத்தே நீயானதன் அதிசயம் என்ன

**நீயாகத் தேடிவரும்வரை
உன்னைத் தேடமாட்டேனென
சூரியனிடம் கோபித்துக் கவிழ்ந்திருக்கிறது தாமரை.

**வானத்தின் விசாலம்
நதியின் பிரவாகம்
கடலின் ஆர்ப்பரிப்பு
இவை பயமுறுத்தவில்லை
அடித்து அலசிச் செல்லும் உன் அன்பைப்போல

**தேடுகிறாயா எனத்
தேடிக்கொண்டே இருக்கிறேன்.

**பௌதீகத்தில் இரசாயனத்தில்
ஒன்றில் ஒன்று விழுந்தால்
என்னன்னவோ விளைவுகள் வருகின்றன
உன்னில் விழுந்தேன் நான்
என்னில் விழுந்தாய் நீ
பின் பிரிந்தோம்
எந்த விளைவும் ஏற்படுத்தவில்லையா
கலப்பும் பிரிப்பும்.  

**காலம்தான் சிறந்த மருந்தாம்
என்னை மறக்க வைத்துவிட்டதே
நான் என்ன உன்னைப் பீடித்த வியாதியா.

**பெண்டாட்டி ஊருக்குப் போயிட்டா எனப்
புல்லரிக்கும் கணவர்கள் போல
ஃப்ரெண்டு பிரிஞ்சு போயிட்டாலும்
ஃபுல் அடிச்சுக் கொண்டாடுறாங்க.


டிஸ்கி :- இதையும் பாருங்க.


சில மொக்கைக் குறிப்புகள். - 1

சில மொக்கைக் குறிப்புகள் - 2.

சில மொக்கைக் குறிப்புகள் :- 3. 

சில மொக்கைக் குறிப்புகள் :- 4.

சில மொக்கைக் குறிப்புகள். - 5.

சில மொக்கைக் குறிப்புகள் :- 6

சில மொக்கைக் குறிப்புகள் :- 7


4 கருத்துகள் :

வெங்கட் நாகராஜ் சொன்னது…

தொடரட்டும் குறிப்புகள்! :)

G.M Balasubramaniam சொன்னது…

மொக்கை என்று யார் சொன்னது

Thulasidharan V Thillaiakathu சொன்னது…

என்னாது மொக்கைக் குறிப்புகளா? அருமை!! அனைத்தும் வாவ்!!!

Thenammai Lakshmanan சொன்னது…

Thanks Venkat sago :)

Thanks Bala sir :P

Thanks Thulasi sago :D

வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!

கருத்துரையிடுக

சும்மா ( பத்தி ) உங்க கருத்தையும் பதிவு செய்ங்க :)

Related Posts Plugin for WordPress, Blogger...