சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு

சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு
சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு

செவ்வாய், 28 மார்ச், 2017

சில மொக்கைக் குறிப்புகள் - 2.

**கூடு என்னுடையதுதான்
கோபித்துக்கொண்டு
கட்டியிருக்கிறேன் உன்னுடைய மரத்தில்

**என் பேரையும் உன் பேரையும்
இணைத்து இணைத்து எழுதுகிறாய்
நடுவில் வேறு யார் பேரோ
இருப்பதுபோல் துழாவுகிறேன்
கண்ணில் கோளாறா
கண்ணுக்குத் தெரியாததையும்
படிக்கக் கற்றுவிட்டேனா ?

**கோயிலுக்குப் போய்
தரிசனம் முடித்தாயிற்று
வீடு திரும்பவேண்டும்
சாமிகள் கூட வருவதில்லைதான்.

**என் மேலான கோபத்தில்
என்னைக் கடிய முடியாமல்
எனக்குப் பிடித்ததெல்லாம்
வாங்கித் தின்கிறாய்
நான் நினைக்காமலே
புரை ஏறுகிறது உனக்கு.
தலையைத் தட்டித் தட்டி
அடக்குகிறாய் என்னுடைய நினைப்பை.
வெளியேறும் வழியின்றிக்
கண்ணீராய் வழிகிறேன் நான்

**வலமும் இடமும்
தலையை ஆட்டிப்
பிடிவாதமாய் உதடு இறுக்கி
பாராமல் பார்க்கும்போது
விருட்டென அணைத்து
விழுத்தாட்டிச் செல்கிறாய்
கொத்தும் முத்தத்தால்.

**சூரியன் துரத்த
மரங்களில்  இருந்து
குதித்திறங்குகிறது
பச்சைய வாசத்தோடு
இரவின் குளிர்ச்சி.

**நித்தம் ஒரு மாற்றத்தைக்
கூட்டுகிறது உருவம்
காட்டும் கண்ணாடிக்கோ
காணும் கண்களுக்கோ
வயதாவதில்லை

**தத்துவங்களையே படித்து
வயதாகிவிட்டது நமக்கு
வா திரும்பிவிடுவோம்
பால்யத்துக்கு.

**என்ன இவ்வளவு மொக்கையாக எழுதுகிறாய்
எனக் குழல் சுழற்றிக் கேட்கிறாய்
எப்போதும் கூடவே இருக்கும்
ஊடலற்ற உன்னைக் காதலித்தால்..
இவ்வளவுதான் வரும்
நீ கொடுத்து வைத்தது அவ்வளவுதான். :)

**சிறிது கோபித்துக் கொள்ளேன்
நான் அவசரமாக ஒரு
காதல் கவிதையேனும் எழுதி
ஆகவேண்டும் ஒரு போட்டிக்கு


டிஸ்கி :- இதையும் பாருங்க.

சில மொக்கைக் குறிப்புகள். - 1 

சில மொக்கைக் குறிப்புகள் - 2.

சில மொக்கைக் குறிப்புகள் :- 3. 

சில மொக்கைக் குறிப்புகள் :- 4.

 

1 கருத்து :

Thenammai Lakshmanan சொன்னது…

வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!

கருத்துரையிடுக

சும்மா ( பத்தி ) உங்க கருத்தையும் பதிவு செய்ங்க :)

Related Posts Plugin for WordPress, Blogger...