சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு

சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு
சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு

சனி, 31 மே, 2014

சாட்டர்டே ஜாலி கார்னர், கேஜிஜியின் காரணப்பெயர்/பெயர்க்காரணம். :)

வலையுலகில் மதிப்பிற்குரிய நண்பர்கள் பலர் இருக்கிறார்கள். அதில் முக்கியமானவர் கேஜிஜி  எனப்படும் K G GOWTHAMAN கேஜி கௌதமன் சார். இவரும் ஸ்ரீராமும் (இன்னும் சில நண்பர்களும் என நினைக்கிறேன்) இணைந்து  எங்கள் ப்லாக் என்னும் வலைப்பதிவில்  சிறப்பான பதிவுகள் போட்டு வருகிறார்கள். அதில் பாசிட்டிவ் பதிவுகளையும் புகைப்படப் பதிவுகளையும் அவ்வப்போது படித்து வருவேன். என் வலைப்பதிவிலும் இவர்கள் பின்னூட்டமிட்டு ஊக்கமளித்து வருகிறார்கள். ( என் இன்றைய நிலைக்கு வலைப்பதிவர் உங்கள் ஒவ்வொருவரின் பங்களிப்பும்  இருக்கிறது . அதற்கு நன்றிகள் )

வலைத்தளத்தில் கேஜி கௌதமன் சாரின் முழுப்பெயர் சட்டென்று கண்ணில் படவில்லை. ஆனால் முகநூலில் இவர் பெயரைப் பார்த்தவுடன் பரிச்சயம் ஆனதாகத் தெரிந்ததும் நட்பு அழைப்பு விடுத்தேன். அட நம்ம கௌதமன் சார் இவங்க என்று தெரிந்தது. தன் குழந்தைகள்/ பேரப்பிள்ளைகள் பேரை இப்பவெல்லாம் ரெண்டு எழுத்துக்கு மேல வைக்கிறதில்லை மக்கள். அதுவும் AA என்று இரண்டு ஏ வரும்படி ஆதித்யா, ஆருஷ், ஆரத்தி, ஆதி என்று வைக்கிறார்கள். இதுல கல்யாணமகாதேவி கோபால கௌதமன்னு சார் முகநூலில் பேர் வைச்சு இருக்காங்களே அதுக்கு என்ன காரணமாக இருக்கும். ஒரு வேளை அம்மா அப்பா பேரையும் சேர்த்து வைச்சிருப்பாங்களோ ஸ்கூல்ல எல்லாம் எப்பிடி கூப்பிட்டு இருப்பாங்கன்னு ஒரே யோசனை

வெள்ளி, 30 மே, 2014

சித்திரைக் கோலங்களும், ஜில்லென்று சில ஜூஸுகளும்.

சித்திரைத் தேர், பொற்றாமரைக் குளம், அக்கினி நக்ஷத்திரம், மண்டூக மகரிஷிக்கு கள்ளழகர் சாப விமோசனம் அருளிய கோலம்.

இந்தக் கோலங்கள் மே 1 - 15 , 2014, குமுதம் பக்தி ஸ்பெஷலில் வெளிவந்தவை.

1.. வெள்ளரிக்காய் , வாழைத்தண்டு ஜூஸ் :-

தேவையானவை :-
வெள்ளரிக்காய் - 1 ( தோலுரித்து துண்டுகளாக்கவும். )
வாழைத்தண்டு - 1 துண்டு.
உப்பு - 1 /3 டீஸ்பூன்
மிளகுத்தூள் - 1 சிட்டிகை.
கொத்துமல்லி - சில இலைகள்.

செய்முறை :-
வெள்ளரிக்காய் வாழைத்தண்டை சிறு துண்டுகளாக்கி மிக்ஸியில் அடித்து வடிகட்டி உப்பு. மிளகுத்தூள், கொத்துமல்லி இலைகள் சேர்த்து அருந்தவும்.

2. காரட் ஆரஞ்ச் ஜூஸ்.

தேவையானவை :-
காரட் - 1
ஆரஞ்ச் - 2
ஜீனி - 2 டீஸ்பூன்
ஐஸ் கட்டிகள் - 4
தண்ணீர் - 2 கப்

செய்முறை:-

வியாழன், 29 மே, 2014

மொட்டு விரியும் சத்தம். கன்னடக் கவிதைகள் தமிழில்.



மொட்டு விரியும் சத்தம். (கன்னடக் கவிதைகள் தமிழ் மொழிபெயர்ப்பில் ) எனது பார்வையில்.


கன்னடக் கவிஞர் திரு பி லங்கேஷ் அவர்களின் கவிதைகளால் ஈர்க்கப்பட்டு திரு காளிமுத்து நல்லதம்பி அவர்கள் அவரின் சில கவிதைகளைத் தமிழில் மொழிபெயர்த்து மொட்டு விரியும் சத்தம் என்ற பெயரில் வெளியிட்டிருக்கிறார்கள். 


எல்லாமே ஐந்து வரியிலிருந்து ஏழு வரிக்குள் அடங்கிய கவிதைகள். ஆனால் அவை சொல்லும் அர்த்தம் பிரம்மாண்டம். இந்தக் கவிதைகளின் சிறப்பு என்னவென்றால் அவை கால ஓட்டத்தில் எங்கே வேண்டுமானாலும் யார் வேண்டுமானாலும் பொருத்திப் பார்த்துக் கொள்ளலாம் என்பதே.


தம்பித் தாத்தா என்று தன் பேரக் குழந்தைகளால் விளிக்கப்படும் நல்ல தம்பி அவர்கள் தன்னுடைய பணிக்காலத்துக்குப் பின்னான பொழுதுகளை இலக்கியத்துக்காகவும் செலவிட்டிருப்பது குறித்து மகிழ்ச்சி ஏற்படுகிறது. பாரதியின் வரிகள் போல கலைச் செல்வங்களைக் கொண்டு சேர்க்கும் பணியில் இவர் ஈடுபட்டிருப்பது பாராட்டுக்குரியது.  தமிழில் இருந்து எனது 3 கவிதைகளைக் கன்னடத்தில் மொழிபெயர்த்துள்ளார் இவர். மனுஷ்யபுத்திரன், சபிதா சபி ஆகியோரின் கவிதைகளையும் மொழி பெயர்த்திருக்கிறார்.

புதன், 28 மே, 2014

கனக்கும் இறக்கைகள்.

பறந்து பறந்து
களைத்து வந்தமர்கிறது
ஒரு பறவை.
இளைப்பாறுதல் தந்த கிளையில்
ஒட்டிக் கொள்கின்றன கால்கள்.
இருப்பிடம் கிடைத்த இன்பத்தில்
சோர்ந்திருக்கின்றன இறகுகள்.
வேண்டும்போதெல்லாம்
கனிகள் கிடைக்கின்றன வாய்க்கருகில்.
கிறங்கிக் கிடந்த ஒரு கணத்தில்
யோசிக்கத்துவங்குகிறது பறவை,

செவ்வாய், 27 மே, 2014

அன்ன பட்சி அறிமுக நிகழ்வில் நண்பர் திரு KT. இளங்கோ.

இளங்கோ சாரைப் பற்றிய அறிமுகம்
என்னுடைய முகநூல் நண்பர்களில் குறிப்பிடத் தகுந்தவர் திரு இளங்கோ அவர்கள். அவர் மட்டுமல்ல அவரது மனைவி திருமதி பத்மா கூட என் அன்பிற்குரிய தோழி.

என்னுடைய சாதனை அரசிகள் நூல் வெளியீட்டு விழாவுக்கு தம்பதியராய் வந்து சிறப்பித்தார்கள். அடுத்து வெளியான என் “ங்கா” கவிதைகளை டிஸ்கவரி புத்தக நிலையத்தில் வந்து வாங்கி அதற்கு விமர்சனமும் எழுதி அனுப்பினார்கள்.

திங்கள், 26 மே, 2014

அப்பத்தா.



அப்பத்தா:-
*******************
அவளுக்குக் கோபமாய் வந்தது. ரொம்பக் கோபம். நேத்துவரை சிட்டி வெளையாடுறதுக்காக அவள் வீட்டுக்கு வந்து ஓடிக் கொண்டிருந்த அந்த வள்ளிக் குட்டி இன்னைக்கு சன்னல் வழியாக இவள் கூப்பிட்டும் திரும்பிப் பார்க்காமல் சென்றது. ‘சாயந்திரம் பள்ளிக்கூடம் விட்டுத் திரும்பி வரும்ல.. அப்பப் பார்த்துக்கலாம்.’.

இவள் திரும்பி வந்து அப்பத்தாவின் தலை மாட்டில் நின்று எக்கிப் பார்த்தாள். ஆயா வீட்டிலிருந்து அப்போதான் அப்பத்தா வீட்டிற்கு வந்திருந்தாள். அப்பத்தா மேல் அவ்வளவு பிரியம் என்றோ வெறுப்பு என்றோ சொல்வதற்கில்லை. இருந்தாலும் அவளுக்கு அப்பத்தாளைப் பிடிக்கும்.

ஞாயிறு, 25 மே, 2014

ஷில்பாராமம். ஹைதை, ஹைடெக் சிட்டியின் ஒரு கலாசார கிராமம் & கோடைத் திருவிழா. பார்ட் 3.

ஷில்பாராமம் .கிராம மக்களின் வாழ்வு பற்றிய சிற்பங்கள் அருமை.

 இங்கே கோடைத் திருவிழா  மே 17 இல் இருந்து மே 31 வரை நடைபெறுகிறது. கல்சுரல் நைட்ஸ் மற்றும் நைட் பஜார் ஸ்பெஷல்.

15 விதமான குடிசைகள் அமைப்பு கொண்ட ஆர்ட் வில்லேஜ் வீடுகள் , பஜார்கள் நிர்மாணிக்கப்பட்டுள்ளன. இன்றைய ஹைடெக் இளம் தலைமுறையினருக்குக் கிராமிய வாழ்க்கை பற்றி எடுத்துச் சொல்ல இவை அமைக்கப்பட்டுள்ளன. க்ளே மாடல்கள் வைக்கப்பட்டுள்ளன.


 கிராமியக் கலைகள், நடனம்.
பூம்பூம் மாட்டுக்காரன். 

ஷில்பாராமம். ஹைதை, ஹைடெக் சிட்டியின் ஒரு கலாசார கிராமம் & கோடைத் திருவிழா. பார்ட் 2.

ஷில்பாராமம் . இங்கே கோடைத் திருவிழா  மே 17 இல் இருந்து மே 31 வரை நடைபெறுகிறது. கல்சுரல் நைட்ஸ் மற்றும் நைட் பஜார் ஸ்பெஷல்.

பித்தளை, மர வேலைப்பாடு உள்ள பொருட்கள், நகைகள், மெஹந்தி டிசைன்போடுதல் போக நைட் பஜாரில் விதம் விதமான உணவு வகைகள் இருக்கின்றன.

மதர் தெரசா சிலையும் வைத்திருக்கிறார்கள். 

பாரம்பரிய நடன நிகழ்ச்சிகள், தப்பாட்டம்  , பரதநாட்டியம் ஆகியன இடம்பெறுகின்றன. நாங்கள் சென்றபோது ஆனந்த நர்த்தன கணபதிக்கும்

சனி, 24 மே, 2014

சாட்டர்டே ஜாலி கார்னர். கீதா மதிவாணனின் அம்மாவும் மாமியாரும்.

கீதா மதிவாணன் எனக்கு வலையுலகத் தோழி. ஆஸ்த்ரேலியாவில் வசித்து வரும் இவர் சிறுகதைகள் அற்புதமாக எழுதுவார். என் வலைத்தளத்தில் பின்னூட்டம் மூலமாக அறிமுகமானாலும் தன் சிறப்பான சிறுகதைகளால் கவர்ந்தவர். இவரது சிறுகதைகள் திருநெல்வேலி பதிப்பு தினமலர் பெண்கள் மலரில் வெளியாகி உள்ளன. அடுத்தடுத்துக் கேட்டாலும் அசராமல் அழகான கதைகள் அனுப்புவார். அவரிடம் சாட்டர்டே ஜாலி கார்னருக்காக சில கேள்விகளை முன் வைத்தேன். அவர் இந்தக் கேள்வியை செலக்ட் செய்து பதிலளித்துள்ளார்.
 
//// உங்க மாமியார்கிட்ட உங்களுக்குப் பிடிச்சது என்ன. அம்மா கிட்ட பிடிச்சது என்ன. (ரெண்டு பேர்கிட்டயும் பிடிக்காதுன்னும் நினைக்கிறதையும் விரும்பினா பகிர்ந்துக்கலாம்.) ///

அவரின் பதில்.

கேள்வி: உங்க மாமியார்கிட்ட உங்களுக்குப் பிடிச்சது என்ன? அம்மா கிட்ட பிடிச்சது என்ன? 

வெள்ளி, 23 மே, 2014

அன்ன பட்சி அறிமுக நிகழ்வில் இயக்குநர் திரு செல்வகுமார்.

இயக்குநர் திரு ஐஎஸ் ஆர்  செல்வகுமார் நான் 2009இல் வலைப்பதிவு எழுத வந்ததில் இருந்து நண்பர். என்னுடைய முதல் இரண்டு புத்தகங்களையும் வடிவமைத்தவர் அவர். என்னுடைய இரு கவிதைகள தனி இசைப்பாடல்களாகக் கொண்டு வந்தவர். இன்னும் பலருடைய கவிதைகளுடன் என்னுடைய நாலு வரிகளையும் சேர்த்து மூன்றாவதாக ஒரு பாடலையும் கொண்டு வந்திருக்கிறார்.

வியாழன், 22 மே, 2014

ஷில்பாராமம். ஹைதை, ஹைடெக் சிட்டியின் ஒரு கலாசார கிராமம் & கோடைத் திருவிழா. பார்ட் 1 .

சில்பாராமம். ஹைதையில் கட்டாயம் பார்க்கவேண்டிய இடம்.கலை, கைவினை, கலாச்சார மையம்.  1992 ல் ஆரம்பிக்கப்பட்ட இது 65 ஏக்கரில் மாதாப்பூர் ஹைடெக் சிட்டியில் அமைந்துள்ளது.

இந்த மாதம். மே 16 - 31 அங்கே சம்மர் கிராஃப்ட்ஸ் மேளா நடைபெறுகிறது.

புதன், 21 மே, 2014

செவ்வாய், 20 மே, 2014

குறள் சூடி உமையாள்..!!!



குழல் இனிது யாழ் இனிது என்பர் தம் மக்கள்
மழலைச் சொல்  கேளாதவர்.

இங்கே குறள் இனிது எனலாம். 3 வயதுப் பெண் குழந்தை ஒரு உபன்யாசகராக, சொற்பொழிவாளராக இருக்க முடியுமா.. அந்த அதிசயத்தைக் காண நேர்ந்தது துபாய்க்கு  ஒரு குடும்ப விழாவுக்காகச் சென்றிருந்தபோது.

ஒரு 3 வயதுக் குழந்தை குழந்தைகளோடு குழந்தையாக விளையாடிக் கொண்டிருந்தது. அவளை அறிமுகப்படுத்தி மேடையேற்றியபோது மிக அழகாக மேடைக்கூச்சமில்லாமல் மேடையேறி மைக்கைப் பிடித்துப் பேசினாள்.

திங்கள், 19 மே, 2014

ப்ரொஃபஸர்.



ப்ரொஃபஸர்.
================

ப்ரொஃபஸர் அந்தக் கண்ணாடிக் கதவுகளின் உட்புறத்தில் துல்லியமாய்த் தெரிந்தார். வெள்ளை வெளேரென்று ஜிப்பாவும், பாண்டும் அணிந்து கொண்டு. கிரிஸ்டல் போலப் பல்வரிசை மின்னியது. கருட மூக்குடன் அலையலையாய்ப் புரண்ட சுருள் முடிகளுடனும் அவர் கிளாஸ் எடுப்ப்தே அமர்க்களமாய் இருக்கும். கையில் சாக்பீஸுடன் அவர் தெர்மோ டைனமிக்ஸை எடுக்கும்போது பார்த்தால் செங்கோல் ஏந்தின அரசன்தான். அந்தக் குரலின் கம்பீரத்தில் மயங்கிக் கட்டுண்டு மாணவர்கள் வகுப்பை ஒழுங்காய் அட்டெண்ட் செய்வார்கள்.

அந்த ஹால் முழுக்கக் குரல் தெறித்து எதிரொலித்து ‘ உன்னை எங்கும் செல்ல விடமாட்டேன் ‘ என்று கையைப் பிடித்து வகுப்பில் உட்கார வைக்கும். ”சந்தேகங்கள் பாடங்களில் ஏற்பட்டால் உடனே வந்து என்னிடம் கேளுங்கள்.,”  என்று அவர் சொல்லிவிட்டார் என்பதற்காக சந்தேகம் வந்ததோ இல்லையோ அவரின் எக்ஸ்ப்ளனேஷன்களைக் கேட்க வேண்டியே அவரைச் சுற்றிக் கும்பல் குழுமிக் கொண்டேயிருக்கும்.

சனி, 17 மே, 2014

சாட்டர்டே போஸ்ட். புத்தகங்கள் வாழ்வு பற்றி பால கணேஷ்.



வலைத்தளத்தில் அறிமுகமாகி முகநூலிலும் நண்பரானவர், அன்பிற்குரிய சகோதரர் பாலா என்ற பால கணேஷ் . இவர் என்னுடைய பெரும்பாலான இடுகைகளுக்குப் பின்னூட்டம் இட்டு ஊக்குவித்தது மட்டுமல்ல. தன் வலைத்தளத்திலும் ”சும்மா”வுக்குத் தனி இடம் கொடுத்துள்ளார்கள்.! என் முன்னேற்றத்திலும் வளர்ச்சியும் இவரின் பங்கும் உள்ளது. நன்றி பாலா.

என் புத்தக வெளியீடுகளுக்கு வந்து ஆதரவு அளித்து இரு நூல்களையும் வாங்கிச் சென்றிருக்கிறார்கள். தன்னுடைய தங்கத்தாமரைப் பதிப்பகத்தின் மூலம் மகாபலிபுரம் உங்களுடன் வரும்  ஒரு வழிகாட்டி என்ற நூலை வெளியிட்டிருக்கிறார். இதற்கு நான் விமர்சனம் எழுதி இருக்கிறேன். மேலும் எம்ஜியார் பற்றியும் ஒரு சிறு நூலை வெளியிட்டிருக்கிறார். 

வெள்ளி, 16 மே, 2014

தேன் பாடல்கள் தேடலும் துடிப்பும்

111.தேடினேன் வந்தது.

ஊட்டி வரை உறவில் கே ஆர் விஜயாம்மா ஆடும் பாடல். சிவாஜி மறைந்திருந்து புகைப்பிடித்தபடி பார்த்துக் கொண்டிருப்பார். மிக அழகாக நடனமாடுவார் கே ஆர் விஜயா பார்த்துக் கொண்டே இருக்கலாம். 

112. சிபிஐ எங்கே. தேடச் சொல்லு கொஞ்சம்.

சூர்யா ஜோதிகா முதன் முதலில் தேடி ஆடிய பாடல். மிக ஃபாஸ்டான லிரிக்ஸோடு அற்புதமாகப் படமாக்கப்பட்டிருக்கும் படம். 

113. பார்வை ஒன்றே போதுமா.

 ஜெய்சங்கர் பாடும் பாடல். மிக அருமையான பாடல் வரிகளுக்காகப் பிடிக்கும். எல் ஆர் ஈஸ்வரியும் குரலும் அற்புதமாக இழையும். இசையும் பாந்தமாக அமைந்திருக்கும்.

வியாழன், 15 மே, 2014

பார்பக்யூ நேஷன்

பெங்களூருவில் இருக்கும் பார்பக்யூ நேஷனுக்கு ஒரு முறை சென்றோம். விடுமுறை நாள் என்பதால் ஆன்லைனில் புக் செய்து ( மதியம் 12 - 2.30 ஃபுல்லாக இருந்ததால் அதன் பின் 2.30 - 4 ) க்கு பஃபே புக் செய்து சென்றோம்.

புதன், 14 மே, 2014

புத்தகத்திருவிழாக்களில் & புத்தக நிலையங்களில் அன்ன பட்சி.

அன்ன பட்சி நூல் சென்னை புத்தகத் திருவிழாவில் வெளியிடப்பட்டது. இது எனது மூன்றாவது நூல். முதல் நூல் ”சாதனை அரசிகள்”. இரண்டாவது ”ங்கா”. மூன்றாவது ”அன்ன பட்சி”.

செவ்வாய், 13 மே, 2014

வொண்டர் பஸ். WONDER BUS.(DUBAI)

ஜேம்ஸ் பாண்ட் படங்களில்தான் தண்ணீரிலும் தரையிலும் பயணம் செய்யும் காரைப் பார்த்திருப்பீர்கள்.

ஆனால் துபாய் சென்றிருந்த போது நாங்கள் தண்ணீரிலும் தரையிலும்  செல்லும்  ஒரு பஸ்ஸில் பயணம் செய்தோம். ரொம்ப வொண்டர்ஃபுல் எக்ஸ்பீரியன்ஸ்தான் அது.

திங்கள், 12 மே, 2014

ரக்‌ஷா பந்தன். தினமலர் வாரமலரில்.



ரக்‌ஷா பந்தன்.
**************************************
சௌதாமினி யோசித்துக் கொண்டிருந்தாள். இன்றுடன் 18 நாட்கள் இருக்குமா. வியாழனோடு வியாழன் எட்டு அடுத்த வியாழன் பதினைந்து . வெள்ளி பதினாறு சனி பதினேழு, ஞாயிறு பதினெட்டு. இருக்குமென மனம் கணக்குப் போட்டது. இப்போதுதான் கௌசிக் அவளைக் கைபிடித்தது போலிருந்தது. அதற்குள் பதினெட்டு நாட்கள் ஓடிவிட்டனவா.. அவளால் நம்பத்தான் முடியவில்லை.

ஜப்பான் கடிகாரத்தில் ஐந்து முறை குயில் வந்து எட்டிப் பார்த்துக் கூவிவிட்டுப் போனது.

சனி, 10 மே, 2014

சாட்டர்டே ஜாலி கார்னர். கோபு சாரும் ப்ளாக்கியும் தாலியும்.

வலையுலக நண்பர்களில் நான் மிகவும் மதிக்கும் நண்பர் கோபால் சார் என நான் அழைக்கும் வை கோபாலகிருஷ்ணன் சார். (நான் மதிக்கும் மிகப் பெரும் பதிவரான தாங்கள் என் இன்றைய வளர்ச்சியில் பெரும் பங்கு பெற்றிருக்கிறீர்கள், அதற்கு முதலில் நன்றிகள். )


இவரின் பதிவுகளும் சிறுகதைகளும் அருமையாக இருக்கும். பதிவுகள் ரொம்ப விலாவாரியாக இருக்கும். நகைச்சுவை தூவப்பட்ட நல்ல சுவையான பதிவுகள்  இவருடையவை. உரத்த சிந்தனை அமைப்பில் இவருடைய கதைக்கு ( பாட்டி சொல்லும் கதைகள் - ப்லாகர் ருக்கு அம்மா சிறப்பு விருந்தினராகக் கலந்து கொண்ட விழா)  சிறப்பு விருது வழங்கப்பட்டது குறித்து முன்பே பதிவிட்டிருக்கிறேன். 

வெள்ளி, 9 மே, 2014

தேன் பாடல்கள். மழையும் பூச்சரமும்.

101. விழிகளின் அருகினில் வானம்.

ப்ரசன்னாவும் நவ்யா நாயரும் நடித்த பாடல்காட்சி. மிக அருமையான பாடல் வரிகள் மனதைக் கொள்ளை கொள்ளும். ஒரு நட்பு மெல்லிய காதலாக உருவெடுக்கும் தருணத்தை உறுத்தாமல் கொண்டு சென்றிருப்பது சிறப்பு. இருதயமே துடிக்கிறதா. துடிப்பதுபோல் நடிக்கிறதா என்ற இடம் அழகு.

102. சந்திரனைத் தொட்டது யார் ஆம்ஸ்ட்ராங்கா.
நாகார்ஜுனும் சுஷ்மிதா சென்னும் ஆடும் அழகுப் பாடல் காட்சி. நதிக்கரைஓரம் செட்டிங்ஸும் இருவரின் உடையும் அழகு. வல்லினமும் மெல்லினமும் சேர்ந்ததுபோன்ற ஒரு தன்மை பாடல் முழுதும் எழில் சேர்க்கும்.

103. மழையே மழையே.
எஸ்பி பி யின் சந்தனக் குரலில் அருமையான மழைப் பாடல். எனக்குப் பிடித்த நடிகை சரிதா. பிரதாப் போத்தனுடன் மழையில் நனைந்து பாடும் பாடல். கூந்தல் மலரில் தேனைக் கொடுத்து காத்துக்கிடந்தேன் கால்கள் தடுக்க இதயம் துடிக்க..-- கூந்தல் மலர் என்ற வார்த்தைப் பிரயோகம் பிடிக்கும். :)

புதன், 7 மே, 2014

புதிய தரிசனத்தில் அன்னபட்சி நூல் விமர்சனம்.

புதிய தரிசனம் இணைய இதழில் அன்ன பட்சி பற்றிய நூல் விமர்சனம் வெளியாகி உள்ளது. அதை இங்கே பகிர்ந்துள்ளேன்.

////அன்ன பட்சி

அன்னபட்சி , இது ஒரு கவிதை நூல். சமூகம், காதல், காமம் என்று அத்தனைத் தளங்களிலும் பயணித்திருக்கிறது இந்த அன்ன பட்சி.

செவ்வாய், 6 மே, 2014

சல்கேட்டா ஆமையும் சிங்கப்பூரின் அதிர்ஷ்டமும்.

இந்தியாவில் ஆமை புகுந்த வீடும் ஆமினா புகுந்த வீடு போலக் கெடும் என்பது பழமொழி. ஆனால் சீனர்கள் ஆமையை அதிர்ஷ்டமாகக் கருதுகிறார்கள். ஆமை என்பது நீண்ட ஆயுளை வழங்கக் கூடிய ஒன்றாகக் கருதுகிறார்கள்.

திங்கள், 5 மே, 2014

ரியாத் தமிழ் சங்கப் போட்டியில் சான்றிதழும் கேடயமும்...!!


ரியாத் தமிழ்சங்கம் நடத்திய (2013 ஃபிப்ரவரியில்) கவிதைப் போட்டியில் மூன்றாம் பரிசு கிடைத்தது.

அதற்கான விழா 23, டிசம்பர் 2013 இல் சிறப்புற நடைபெற்றுள்ளது.

இந்த நிகழ்வில் சகோதரர் ஷேக் முகம்மது எனக்கான நினைவுப் பரிசை சபையில் பெற்றுக் கொண்டிருக்கிறார்.

விருதுகள் .. சான்றிதழும் கேடயமும்.

////
திரு ராஜா அவர்கள் அனுப்பிய மடல்../////

அன்புள்ள கவிதாயினி.திருமதி தேனம்மை லட்சுமணன் அவர்களுக்கு,

வெள்ளி, 2 மே, 2014

அட்சயதிரிதியை.ஆபரணங்கள் சேர..



தேவி ஸ்ரீ சக்ரம்:-
பிந்து – த்ரிகோண – வஸுகோண – தசாரயுக்ம
மன்வச்ர – நாகதள – ஸம்யுத – ஷோடசாரம் 1
வ்ருத்த – த்ரயஞ்ச – தரணீஸதன – த்ரயஞ்ச
ஸ்ரீசக்ட – மேத துதிதம் பரதேவ தாயா: 11

தன்வந்திரி மந்திரம்:-
ஓம் நமோ பகவதே வாசுதேவாய
தன்வந்த்ரியே அமிர்த கலச ஹஸ்தாய
சர்வ ஆமய விநாசாய த்ரைலோக்ய நாதாயா
ஸ்ரீ மஹாவிஷ்ணுவே நமஹ.

ஸ்ரீ ம்ருத்யுஞ்ஜெய காயத்ரி :-
ஓம் த்ரயம்பகாய வித்மஹே
த்ருபுராந்தகாய தீமஹி
தந்நோ ம்ருத்யுஞ்ஜய ப்ரஸோதயாத்.

வியாழன், 1 மே, 2014

தேனம்மை லெக்ஷ்மணனின் "அன்ன பட்சி" கவிதை நூல் குறித்து ஒரு உரையாடல். தமிழச்சி தங்கபாண்டியன்

தமிழச்சி தங்கபாண்டியன். தமிழ்கூறும் நல்லுலகின் மிகப் பெரும் ( அழகான ) ஆளுமையான இவர் என்னுடைய அன்னபட்சியைப் படித்து ஒரு அறிமுகம் கொடுத்துள்ளார். ஆங்கிலப் பேராசிரியை,மிகப் பெரும் கவிஞர், எழுத்தாளர், சிறந்த பேச்சாளர், த்யேட்டர் ஆர்ட்டிஸ்ட், பல்துறை வித்தகி, மனிதநேயப் பண்பாளர், இன்னும் எவ்வளவோ சொல்லலாம். 
Related Posts Plugin for WordPress, Blogger...